Abalwa impi yenkululeko bazonde bagan’unwabu ngokuthengwa lokuthengiswa butshapha begolide ngabacatshangelwa ukuba badlelana lomongameli Emmerson Mnangagwa.
Bethule lokhu ngesikhathi uMnu. Eubert Angel, omunye walabo abaphuma ku-documentary ye-Al Jazeera, esithi wayekwazi ukuba intathelizindaba ezaveza akwenzayo babezana ukumcupha ngendlela eziphansi.
Kodwa abazi ngokwenzakalayo bathi uangel labanye bakhe kusobala ukuba babesenza okungekho emthethweni.
UMnu. Angel, ophethe isikhundla sommeli weZimbabwe emazweni wonke jikelele, wathembisa intathelizindaba ze-Al-Jazeera ukuba ulakho ukusebenzisa umgodla wencwadi kahulumende ukuthwala igolide elilesisindo esikhulu kungela muntu ozavula umgodla lowo usuka emazweni atshiyeneyo.
UMnu. Petros Sibanda, owalwa impi yenkululeko, uthi kuyethusa okwenziwa ngu-Angel, abaphathintambo bakahulumende abambalwa labanye abathenga igolide ngendlela ezingawedakaliyo.
SEE ALSO:
Ingxoxo Esiyenze LoMnu. Petros Sibanda