Ibandla leZanu PF lithi lizakwenza ukhetho lwama primary elections ngoMgqibelo njalo abadabuka eZimbabwe abasekhaya bazavunyelwa ukuvotela abazamela ibandla leli kukhetho lwamakhansili lolwamalunga edale lephalamende.
Obona ngokuqhutshwa kwenhlelo zokukhankasela usekelo kubandla leZanu PF, uMnu. Mike Bimha, utshele intathelizindaba eHarare ukuba sebegqibe uhlelo lokuhlolisisa amagama alabo abafisa ukungena kukhetho lolu.
UMnu. Admire Masikati, omunye ozancintisa eMzilikazi-Mpopoma koBulawayo, uthi uyathokoza ngendlela ibandla lakhe elenza ngayo.
“Lokhu okwenzakalayo kwenza ukuba ibandla lethu libe le democravy. Kuyacaca ukuba abantu abamela ibandla leZANU PF kuma elections ngabantu abavela kuZANU PF”
Kusenjalo, uMnu. Felix Mafa, okubandla eliphikisayo eleCitizens Coalition for Change, uthi labo bazimisele ukukhetho abantu abathakazelelwa nguzulu.
Kulabo abazancintisa kukhetho lwama-primaries kubandla leZanu PF, bagoqela abasuka kumabandla aphikisayo abafana loMnu. Tongai Matutu, ozancintisa esigabeni seMwenezi.