BULAWAYO........
Inkokheli zomdabu ezivele ezigabeni zonke zelizwe bezithe gwaqa namhlanje kuHall 1, enkundleni yombukiso wezamabhizimusi, eZimbabwe lnternational Trade Fair ko Bulawayo zisungula umhlangano wazo owenziwa minyaka yonke. Lumhlangano wensuku ezimbili uqale lamhlanje ngokubuthanisa izinduna ezingaba ngamakhulu ayisificaminwe mibili ezivele emagumbini amane elizwe.
Chiefs Annual Conference
Abangene umhlangano lo NgoLwesibili, bebekhala ngokungaphathwa kuhle ngoba befike koBulawayo baswela indawo zokulala.
UNduna Sindalizwe Dube Masendu we Plumtree Bulilima Sindalizwe Dube, ngomunye wabangene umhlangano wanamhlanje.
“Inengi lethu sonke elize emhlanganweni aliphathekanga kuhle ukubuya sibuye kuhle ngamabhasi sisuka kundawo zethu kodwa sesifika lapha koBulawayo siswele indawo zokulala abanti baqale ukuthola indawo zokulala phakathi kwamabili abanye lokhe bengakatholi.”
UNduna Mtshana Khumalo osuka eBubi umsekeli kamongameli wedale lezinduna edale lephalamende, eleChiefs Council uchasisa ngenkinga ezibhekane lozulu ezigabeni.“Inkokheli zomdabu zilapha koBulawayo emhlanganweni lapho abakhulume khona inhlupho ezimbalwa ezibhekane labo luhlanganisa labantu ababakhekhelayo ezibalisa indlala, ukusilela kwezikolo lodubo lwamanzi esikhangelele ukuba sikwethule kusasa kuMongameli Emerson Mnangagwa kulungisiswe.”
Chiefs Annual Conference
UMlisa uDlodlo ongaphansi kukaNduna uSigola uthe bayahlupheka uhulumende kabafake labo ekuhlelweni kwezomnotho ibudget.
“Kunje sihola ama allowance, emabhanga asitholi zikwelede kuhle uma uhulumende engahlela kuhle lathi sithole iholo ngoba lemali esesiyithola ayithengi lutho.”
UMongameli weChiefs Council uNduna Fortune Charumbira uxolisile ngesiphatho esihlangane lenkokheli zomdabu ethi bazalungisa zonke inhlupho abahlangana lazo.
“Siyaxolisa ngelihlangane lakho ngesikhathi lifika lapha ukuswela indawo zokulala kuthi kuze kube lamanje abanye benu abakatholi siyaxoloda Nkokheli sixolisela lomongameli besibhadele kodwa abeRainbow Towers bathe imali ayeneli ngoba uhulumende ulesikwelede kodwa sesilungisisile.”
Inkokheli zomdabu zibalise inkinga ezinengi abahlangana lazo abakhangelele ukuthi uhulumende azilungisise ezibalisa iholo elingasathengi lutho, imota zokuhambisa, indlala, imigwaqo engasahambeki, udubo lwabembayo okungekho emthethweni ababizwa ngokuthi ngamakorokoza labazinika umhlaba okungekho emthethweni.
Umhlangano lo, wamalanga amabili, ubikwa uzavulwa okusemthethweni nguMongameli Emerson Mnangagwa, NgoLwesithathu lapho lezi nkokheli zomdabu, ezikhangelele ukumethulela inhlupho abahlangana lazo ezigabeni.
Umhlangano walonyaka wenziwa phansi kwendikimba ethi “Firm Cultural Foundation for Community Development.”
Your browser doesn’t support HTML5
Udaba lomhlangano wenkokheli zomdabu siluphiwa nguAnnahstacia Ndlovu