Ibandla le CCC lithi abantu abanengi kade befuna ukubhalisela ukuvota phansi kohlelo lwakucina ukhetho lungakenziwa, bacine bengenelisanga ngoba imitshina yokubhalisa ibingasebenzi.
Eloba enkundleni yokuxhumana eye Twitter, uNkosazana Fadzayi Mahere uthe indawo ebezilodubo lolu zibalisa iEpworth, Haig Park le Mhondoro.
Uthi bathole imbiko yokuthi abebandla le Zanu PF bathethe imifanekiso amalunga ebandla le CCC kade ekhankasela ukuthi uzulu abhalise ukuvota eEpworth.
UMahere ucebise ikhomisehni yezokhetho eye ZEC ukuthi ilungisise imitshina ukuze uhlelo lolu luphumelele.
Inhlanganiso yeZimbabwe Christian Alliance isikhuthaze amakholwa esikhristu ukuthi aphume ngobunengi ayebhalisela ukuvota kuhlelo lweMobile Voter Registration Blitz olusungulwe ngeSonto lusiyaphela Mhlaka 21 kulinyanga.
Linhlanganiso ithi kungumlandu wakhe wonke umuntu osefikise iminyaka yokuvota ukuthi ayebhalisa njalo avote kukhetho olukhangelelwe ukwenziwa ngoNtulikazi kumbe ngoNcwabakazi.
Ugatsha lwe ZEC lubikwa luhamba labogatsha lukamsitheli ukuze abangelazithupha benelise ukuzothola besebhalisela ukuvota.
UNtungamili Nkomo we Studio Seven uxoxe lomqondisi weZimbabwe Christian Alliance uMnu Useni Sibanda.
Your browser doesn’t support HTML5
Ingxoxo loMnu. Useni Sibanda.