IZimbabwe ngoLwesine inanze usuku lwe-International Women’s Day besola ukuhlukulzwa kwabesifazana enkundleni zebulenjini.
IZimbabwe imanyene lamazwe womhlaba ukunanza ilanga labesifazane ele International Women’s Day kulokukhathazeka okukhulu ngokusetshenziswa kobulembu ekuncindezeleni abesifazana abaphatheka kwezombusazwe bekhuthaza ukuthi lokhu kwephulwa kwelungelo labo kumele kuthathelwe amanyathela aqinileyo ukuthi kuphele.
Abe National Gallery yakoBulawayo bamanyane laohlangothi olweUnited Nations Women labeAfrican Women Leaders Network ekuqoqeni umkhosi wokunanza ilanga leInternational Women’s Day ngokubukisa imifanekiso ephathelane lemisebenzi eyenziwa ngabesifazana kanye leyokuhlukunyezwa kwabo ebulenjini beInternet, ikakhulu labo abaveza isifiso sokungena okubizwa ngokuthi yiOnline Violence Against Women in Politics.
UDokotela Thokozani Khuphe ongene umhlangano walamhlamje uchaze ukuba kukhetho oluzayo abezombusazwe bahlukane lokusebenzisa ubulembu ekuhlukuluzemi abesifazana abaphatheka kwezombusazwe.
“Lingananzelela eZimbabwe jikelele silapha lamhlanje akula owesifazane ongadlula mina ngokuhlukuluzwa ebulenjini kodwa ngimi kuzekubelamhlamje akulula kukhetho oluzayo makungabikhona njalo oMama abahlukuluziweyo bathole indawo zokubaduduza lokukhulumisana labo ukuze kungabinzima kubo ngoba ukuhlukuluzwa lokhu kuhlukuluza labazali bethu labantwana.”
International Women's Day
UMqondisi weNational Bulawayo Gallery, uNkosikazi Silenkosi Moyo, uthi basebenze labacombi abasuka koBulawayo, eNkabazwe, eMatabeleland North leSouth ukucomba imifanekiso etshengisa ukuhlukuluzwa kwabesifazana ebulenjini.
“Imifanekiso yonke le eliyibona lapha iconjwe eminye yakhona yathungwa ngabacombi besifazana ngaphansi kohlelo lwethu lwalonyaka lokuzama ukumelana lokusebenzisa ubulembu ukuhlanbaza abesifazana abaphatheka kwezombusazwe.”
Umcombi osakhulayo, uSinqobile Shamiso Dube, osebenzisa amalembu lokuthunga ukubonisa ukuhlukuluzwa kwabesifazana ebulenjini ongene umcimbi walamhlanje uchaze ukuba uyajabula ukusebenzisa ukuthunga lokucomba ekunanzeni ilanga leIWD.
“Ngiyathaba ngoba lithuba lokuthi ngisebenzise iArt yami ukuthi ibelevoice ekumeleni udlakela oluqondiswe kwabesifazana kusetshenziswa ubulembu.”
International Women's Day
UNkosikazi Hayi Mpofu, osuka eMzingwane, uthi udlakela lwandile ebulenjini.
“Singabesilodubo lokubamba amagagasi emangweni wakithi njalo bambalwa abenelisa ukungena kumagagasi kodwa ukuhlukuluzwa ebulenjini kukhona okwenza vele abantu bangakgathali ukungena ebulenjini kunkundla ezehlukebeyo.”
UNkosikazi Nah Khumalo, ophatheka kwezombusazwe eLupane ongene umcimbi lo, ubike ukuba ukhathazekile ngokuhlukuluzwa kwabesifazana kusetshenziswa inkundla ezehlukeneyo ebulenjini.
“Siyakukhetho oluzayo njengabomama sikhathazekile ngendlela abantu ezweni abadebenzisa ubulembu ukusincindezela njalo abesifazana abasemakhaya bahle bahlehlele emuva ngemva kokubona abanye babo bencindezelwa.”
Isigaba seMaNdebeleni, uBulawayo leNkabazwe bamanyane lenhlanganiso yomanyano wamazwe omhlaba iUnited Nations Women leye nkokheli zabesifazana ezeAfrican Women Leaders Network lelwela amalungelo abesifazana iMusasa Project leBulawayo National Art Gallery ukunanza ilanga labomama eleInternatinal Women’s Day 2023 koBulawayo besebenzisa imifanekiso yokucomba ngaphansi kwendikunba ethi “ DigitAll: lnnovation and technology for gender equality raising awareness and formulating strategies for addressing online violence against women in politics through interaction Art.”
Umphathintambo wezamabhizimusi amancane uNkosikazi Sithembiso Nyoni ongumgcinisihlalo weAfrican Women Leaders Network eZimbabwe lommeli weUnited Nations Women uNkosikazi Fatuos Lo bangene umhlangano walamhlanje ebulenjini kunkulumo zabo bevumelana ukuthi udlakela olubhekiswe kwabesifazana ebulenjini kumele buphele. Abomanyano weAfrican Union leEmbassy of Ireland ePretoria basekele umcimbi walamhlanje wokunanza ilanga le IWD.
Ucwaningo lwelPU lwaveza ukuba emhlabeni jikelele abesifazana abakusilinganiso se 42 percent bathola ukuhlukuluzwa ebulenjini enkundleni zokuzilibazisa lokusabalalisa ulwazi ezinjenge Facebook lnstagram, Twitter lezinye. Kuthi iIFES eZimbabwe yaveza njalo ukuba kusukela ngomnyaka ka2013 kusiya ku2018 abesifazana abaphatheka kwezombusazwe ezweni abakusilinganiso se60 percent bahlukuluzwa njalo enkundleni zebulenjini.