Kulandela umkhosi wokunanza ilanga labatsha izolo eLupane, ele Robert Mugabe National Youth Day, abakade bekulowo umbuthano bathi bazasabalalisa umkhankaso wokulwisa Ukusetshenziswa kwezidakamizwa, ikakhulu ngabasakhulayo.
Kulumkhosi, uMongameli Emmerson Mnangagwa ugcizelele ukuthi abazatholakala bethengisa izidakamizwa bazabotshwa bejeziswe.
Kubikwa kulabanye abatsha abanikezwe umhlaba wokulima kanye lemali yokusunga amabhizimusi kulumbuthano.
Kodwa abanye abatsha abakhulume leStudio 7 bathe uhulumende uyehluleka ukuvuselela umnotho welizwe njalo uzama ukuthuthukisa ihlekana lalabo abasekela ibandla elibusayo.
Omunye obekade ekulo umbuthano, njalo engomunye wabaqoqi bawo nguMnu. Tamuka Nyoni owayengumgcinisihlalo wogatsha lwabasakhulayo kubandla leZANU PF eMatabeleland North, osengumqoqi womanyano wabafundisi owePastors for Economic Development eMatabeleland North, njalo ekhokhela inkonzo ye Pentecostal Church of God eLupane.
Asizweni exoxa ngaloludaba eloSithandekile Mhlanga weStudio 7.
Your browser doesn’t support HTML5
Ingxoxo loMnu. Tamuka Nyoni.