WASHINGTON DC......................
UMongameli Joseph Biden ngolweSibili ufike e-Poland; elinye lamazwe agcelelani lele-Ukraine, kuhambo lwakhe alusungule ngokwethekelela ele-Ukraine izolo, lanxa lelolizwe liphakathi kwempi etshisayo lele-Russia.
Lokhu kwethekelela ilizwe eliphakathi kwempi, kubikwa kungakaze kwenziwe nguMongameli wele Melika, kungela mabutho alo elizweni eliphakathi kwempi. UMnu. Biden utshiye ethembise uMongameli Volodymyr Zelenskyy ukuba ele-Melika lizaqhubekela phambili liphathisa ele-Ukraine ngezikhali, empini yalo lele-Russia esifikisa umnyaka mhlaka 24 Nhlolanja yaqalayo.
EPoland, uMomgameli Biden kubikwa esiyaqinisa izizalwane zakulelo, lokutshengisela ukuba eleMelika liyalisekela lelolizwe, elingelinye lamalunga enhlanganiso ye-NATO. Sixoxe loMnu. Den Moyo olandela ezombusazwe ngaloludaba.
"Kutshengisela ukuthi u-Biden le-United States, ngingathi le-NATO, bazimisele uku-supporter i-Ukraine ngakho konke abalakho ukuthi u-Putin angaphumeleli kulempi yakhe ayiqalileyo against i-Ukraine. So ye, kubeyinto emangalise kakhulu ebantwini abanengi; isibindi alaso esokuthi aye ku-war front e-Ukraine , lapho okungela mabutho e-US; okuyinto yakuqala kuma-President onke, kutshengisa ukuthi uzimisele u-Biden ukuthi ancedise i-Ukraine ngezikhali langezimali ukuthi balwise i-Russia." kuchasisa uMnu. Moyo
Your browser doesn’t support HTML5
Ingxoxo loMnu. Den Moyo mayelana lokwethekelela eUkraine kukaMongameli Biden.m4a