Ikhansili yakoBulawayo ithi labo ababethengisela esitaladini sika 6th Avenue, eGodini yibo bazaphiwa indawo yokuthi beqhube umsebenzi kule indawo kungakhiwa lapho abazathengisela khona, ama vending bays, yinkampani ye Terracotta ekhangelelwe ukwakha ivinkili le shopping centre kulindawo.
Inkampani le ilokhe ingakakhi leli ivinkili kusukela ngomnyaka ka 2015 ize ithole imvumo njalo ikhansili yathi abathengisayo bengasungula umsebenzi bengameleli ukuthi kuze kwakhiwe.
Embikweni owethulwe izolo, unobhala walelidolobho uMnu. Christopher Dube uthe labo ababhalisa emahofisini ekhansili eDugmore bazathola indawo zokuthengisela zingasala.
UNkosazana Debra Mukasa, isiphathamandla senhlanganiso yeBulawayo Vendors and Traders Association utshele uSithandekile Mhlanga weStudo 7 ukuthi lokhu linyathelo elihle njalo yikho abakuvumelana lekhansili, futhi kuzabangela ukuthi inziki yedolobho ingaxokozeli njengoba kuzasuswa abantu abedlula inkulungwane.
Your browser doesn’t support HTML5
Ingxoxo loNkosikazi Debra Mukasa.