Amapholisa athi abophe abantu abafika phose amakhulu amane-387 izolo kumkhankaso abawuqhubayo elizweni owokulwisana lokuthengiswa kanye lokusetshenziswa kwezidakamizwa osokukhuphule inani lababotshiweyo layakwedlula inkulungwane eyodwa 1023 selokhe loluhlelo lusunguliwe ngeviki edluleyo eHarare.
Kubikwa kubotshwe abantwana besikolo abathathu esikolo se George Chipadza Secondary School eMidlands ngemva kokuba umbalisi wabo ebafice bebhema insangu. Abantwana laba bamqambile obathengiseleyo njalo ubikwa esezandleni zamapholisa.
Amapholisa athi alokhe ethola izidakamizwa ezehlukeneyo ngemva kokungena kwawo ezindlini ekhwathaza, ikakhulu emalokitshini eMufakose leWarren Park eHarare. Ukuzwa okunengi ngaloludaba asizweni ingxoxo iStudio 7 eyiqhube loMnu. Paul Nyathi.
Your browser doesn’t support HTML5
Ingxoxo loMnu. Paul Nyathi
Ukuhlaziya loludaba, sixoxe loMnu. Mbuso Fuzwayo, umqondisi wenhlanganiso yeIbhetshu Likazulu, yena othi kufanele kulungiswe umnotho welizwe kuqala, abantu bethole imisebenzi.
Your browser doesn’t support HTML5
Ingxoxo loMnu.Mbuso Fuzwayo