Harare...............
Inkokheli yebandla leMDC-T ithi ukhetho lwe Zimbabwe soluqiliwe vele lungekenziwa nxa kukhangelwa isimo esikhona elizweni.
Umnumzana Douglas Mwonzora umkhkheli weMDC-T, uthi imizamo yokukhulumisana kwamabandla wonke agoqela elakhe, ele CCC, ZANU PF lamanye isiqalile ukuze kudingwe indlela ezingenza ukuthi lolukhetho lube ngolwamukelwa ngumuntu wonke.
Ekhuluma lentathelizindaba NgoMvulo, uMwonzora uthi kusobala ukuba isimo esise lwizeni asivumeli ukuba kuqhutshwe ukhetho olubalulekileyo.
Uthe ugwalo lokubekwa kwemincele olweDelimitation lukubeke sobala ukuba iZEC kayilungelanga ukuqhuba ukhetho ngokubeka imigcele engasekelwa ngabamanye amabandla, ikakhulu aphikisayo.
“Nxa singehluleka ukulungisa okusegcekeni sizakuba lodubo esaba lalo kudala. Sekuvele sekusobala ukuba ukhetho selwaqilwa. Kumele sikhulume ngelizwi linje”
Lokhu kugcizelwe yisikhulumeli sebandla leli uMnu Witness Dube.
“Njenge MDC-T sithi kumele kumele lokuxoxisana ukuze silungisane kwezo khetho. Bantu bayakholisa ukuthethisanaa, kodwa bayakhohlwa ukuba singa hlala phansi sikhulume konke kuyalunga”
Uqhubeke esithi kumele kube lendlela yokuthi abamabandla wonke eozmbusazwe, bavume ukuhlala phansi bakhulumisane ngodaba lokhetho andubana uqhutshwe.
Isiphathamandla seCCC uMnu Felix Mafa, uthi akula nto embi ngokukhuumisana.
“Njenge CCC sithi asila mhawu ukubamba izinto sisodwa Ingubo yabantu itshukwa ngabantu. Abantu kumele bathi gwaqa bakhulume ngalokho okuhluphayo kwezo khetho”
UMnu Munashe Mtutsa owebandla le ZANU PF yena uthi ibandla lakhe kalilahlupho ngokhetho lwe Zimbabwe.
“Thina njenge ZANU PF kasiladubo esilalo ngokhetho. Bengaze bethini sizimisele ukunqoba ukhetho loba ngaliphi ilanga. Akula okukhona okukukhuluma”
Kungxoxo ayenze leStudio 7, ngeviki elduleyo umkhokheli weCCC, umnumzana nelson chamisa ukhanye evumelana ukuthi ngendlela ephathwe ngayo ugwalo lokwehukanisa imingcele olweDelimitation langendlela umthetho wezokhetho ohlelwe ngawo ukhetho lwalonyaka alusoze lube ngolukhululekileyo.
Abe Zanu PF, bona bathi ababoni okubi ngokwehukaniswa kwemingcele njalo abeZEC bazalandela okuyabe kutshiyo nguMongameli Emmerson mnangagwa ukuba nxa engasayina leyi ireport.
Your browser doesn’t support HTML5
Udaba lwabeMDC-T bekhaa ngokhetho siluphiwa nguMlondolozi Ndlovu