Kulandela ukusungulwa komkhankaso wokulwisana lokusetshenziswa kwezidakamizwa koBulawayo izolo, abahlali balelidolobho bathi bazaqhubeka besebenza lohulumende kanye lenhlanganiso ezizimeleyo ukulwisana laloluhlupho.
Amapholisa abemisa izimota emgwaqweni edinga izidakamizwa, kuloluhlelo, lona olusungulwe eHarare ngeviki edluleyo njalo olukhangelelwe ukuqhutshwa kwamanye amadolobho njengoba udubu lwezidakamizwa lubikwa lubhahile elizweni.
Ukuze sizwe okunengi ngaloludaba, uSithandekile Mhlanga weStudio 7 uxoxe lomgcinisihlalo wenhlanganiso yeBulawayo Progressive Residents Association, uMnu. Ambrose Sibindi, yena othi kuyadanisa ukuthi abanye abathengisa entubeni zezikolo, bafaka izidakamizwa kuma scones abawabhakayo ukwezela ukuthi abantwana beqhubeke bethenga.
Your browser doesn’t support HTML5
Ingxoxo loMnu. Ambrose Sibindi.