Uhlangothi oluqondisa ezemihloliso elizweni olwe-Zimbabwe School Examinations Council (ZIMSEC) lubika ukuba impumela yemihloliso elotshwe nyakenye, eye-Ordinary Level, isikhona.
Isipha umbiko enkundleni zokuxhumana, i-ZIMSEC ithe abafisa ukubona impumela yemihloliso le, balakho ukuyithola ekhasini labo lebulenjini kukheli ethi- zimsec.co.zw kusukela ngoLwesihlanu.
Abangenelisiyo, kumele bengahamba lapho abalobela khona imihloliso – ama-Exam Centers - bayethatha ama-results abo ngoMvulo.
Kubikwa kulabo abalobayo, kuphumelele isilinganiso esifika phose amatshumi amathathu ekhulwini – 28.96% kuphela. Okutsho ukuba lesi silinganiso sikhuphuke ngesiphose sifike kokuthathu ekhulwini – 2.62%, nxa kuqathaniswa lempumela yanyakenye.
Ukuhlaziya loludaba, sixoxe loMnu. Ben Moyo, unobhala obona ngezemfundo kunhlanganiso yezakhamizi, eyeBulawayo Progressive Residents Association.
UMoyo uthe, “Ama-results aweOrdinary Level sisanda ukuwathola nje, aphuma namhlanje. Sitshelwa ukuthi kule percentage pass rate eyi-2.6, eyedlula eye-previous year eka-2021. I-28.96% yiyo ipass rate yeZIMSEC yeOrdinary Level. Ama-results la awasithokozisi; imbangelayangakhona sibona ingathi last year kwaba lama-disruptions: Amanye engawe-Covid; kwaba lama-challenges esilawo. Izikolo vele kazila mabhulu; izikolo kazila babalisi kuhle; izikolo kazila-access to internet; izikolo kule-disruption ye-electricity. "
SEE ALSO:
Ingxoxo loMnu. Ben Moyo olumayelana lempumela yemhloliso ye-ZIMSEC 'O' Levels