Amabandla ezombusazwe athi asezilungiselele ukuya kukhetho, lona uMongameli Emmerson Mnangagwa athi lulakho okwenziwa ngoNtulikazi.
UMnangagwa uveze lokhu kuthange ngesikhathi elobelana izivumelwano zokuqinisa ubudlelwano loMongameli weleBelarus uMnu Alexander Lukashenko, ogqibe uhambo lwakhe lwensuku ezintathu eZimbabwe izolo.
Ibandla leCCC likhala ngokuthi uhulumende weZanu PF uhlukuluza amalunga alo ngokuwabopha nje mahlayana ngoba esesaba ukunqotshwa kulolukhetho. Lithi njalo uhulumende kafuni kuguqula imithetho yezokhetho ngendlela ecacayo ngoba esesaba ukunqotshwa.
Kodwa abeZanu PF bayakulandula lokhu. Sixoxe lelunga leCCC uMnu Abednico Bhebhe.
UMnu Abednico Bhebhe lilunga leCCC. Ubexoxa loNtungamili Nkomo weStudio 7 eseNkayi.
Your browser doesn’t support HTML5
Ingxoxo loMnu. Abednicho Bhebhe.
UNtungamili uxoxe njalo lelunga leZanu PF uMnu Malaki Nkomo yena othi abeCCC bayazikhohlisa nxa becabanga ukuthi benganqoba ibandla lakhe kulolukhatho.
Your browser doesn’t support HTML5
Ingxoxo loMnu. Malakhi Nkomo.