HARARE - Omunye wabantu abangamatshumi amabili lasithupha 26 abebandla leCitizens Coalition for Change(CCC), ababotshwa emzini weBudiriro eHarare ngeviki ephelileyo, ubikwa esebanjwe ngumkhuhlane weCovid-19 esejele lapho abavalelwe khona bemelele ukuthonisiswa.
Amagqwetha akhe athi lokhu kulakho ukuphazamisa impilakahle yezibotshwa ezigcwele emajele.
Lokhu kuphume emthethwandaba kamantshi lapho amagqwetha aveze ukuba okwenzakala kumalunga awebandla eleCCC laba, yindlela yokubethusela ukuba bengaqhubeki ngomsebenzi wabo wokusekela ibandla iliphikisayo.
Ekhuluma ngemva kokuthoniswa kodaba lolu, elinye lamagwetha amela abasolwa laba, uMnu. Wilbert Mandinde, ubike ukuba omunye wabasolwa laba uselomkhuhlane weCovid-19.
“Kenelisi ukuza edale. Asazi ukuba wayithola njani iCovid-19. Kumele siqale ukunanzelele ukuba singavikela njani umkhuhlane lowu okhanya usuhlasele.”
UMandinde uqhubeke ethi ngoMbulo bacele ukuba abasolwa laba baphiwe imvumo yokubhadala isibambiso se bail.
“Uhulumende usetshilo ukuba kungani kumele bengaphiwa ibail. Uhulumende uthi icala labo likhulu kakhulu lokuba balakho ukuphazamisa abafakazi bakahulumende”
Abesifazana bababotshiweyo laba, babikwa becele ukuthi bathwalwe behlukaniswe labesilisa besiya lokuphenduka emthethwandaba ngoba bekhala ngodubo lokubanjwabanjwa emzimbeni lapho abangamelanga ngomthetho bathintwe khona, yizibotshwa zesilisa kanye labalinda amajele besilisa.
Elinye Ilunga le CCC uNkosikazi Ellen Shiriyedenga obe esemthethwendaba, uthi bayadana ngokuhluluzwa kwamalunga ebandla.
“Lokhu yikuhlukuluzwa kwethu. Ngabe bekungelinye ibandla abantu laba bebengasoze bephathwe ngendlela leyi. Amapholisa akubeke mgceke ukuba abantu laba babotshwa kungela sizatho”
UMantshi owahlulela udaba lolu uthi luzaqhubeka luthethwa kusasa ukuze aphe isinqumo sakhe.
Ababotshiweyo laba bethweswa icala phansi komthetho we Mantainance of Peace and Order (MOPA) wokwenza umhlangano ngenjongo yokuphehla udlame kumbe ukuphazamisa ukulondolozwa kokuthula. Abasolwa laba bayalilandula leli cala, besithi babebuthene emzini womuntu hatshi emphakathini.
Your browser doesn’t support HTML5
Udaba lwabeCCC ababotshelwe eBudiriro siluphiwa nguMlondolozi Ndlovu