Harare..............
Umthethwandaba kaMantshi eHarare walile isicelo sokuba umntwana oleminyaka elisthsumi lasikhombisa-17 owabotshwa labasekeli be CCC athonisiswe ehlukene labadala, esilethwe yinhlanganiso emela abantwana eye Justice for Children Trust.
UMantshi Yeukai Dzuda wethule isinqumpo sakhe sokuba lumntwana athonisiswe endawonye labadala esithi akula bufakazi bokuba kukhona okungaphazamisekea ngokwenza lokhu.
Obe emela umntwana lowu emthethwandba uNkosikazi Pamela Musimwa uthe kabathokozi ngesinqumo lesi ngoba ezaphazamiswa ilungelo lakhe lokuya esikolo.
Uqhubeke esithi bazakhweza udaba lolu edale le High Court esithi amalungelo omntwana lowu kumele anakekelwe. Kulandela ukukhalaza kwamaqgwetha alabo ababotshiweyo abagoqela ummeli we Mkoba edale lephalamende, uMnu Amos Chibaya kanye lo mmeli we Budiriro uMnu Costa Machingauta esokuba kabaphiwa ukudla uMantshi uphe isinqumo sokubna amagcina izibotshwa abe Prisons and Correctional Services babavumele ukuba baphiwe ukudla.
Kusenjalo, ipholisa elicubungula udaba lolu uMnu George Garauzive uqhubeke ngokupha ubufakazi phambi komthethwandaba esithi labo ababotshiweyo, kabalalungelo lokuvunyelwa ukubhadala isibambiso se bail ngenxa yokuba benza ama slogan ebandla labo ele CCC okwaphazamisa ukuthula kubomakhelwane emzini weBudiriro.
UMnu Garauzive uqhubheke esithi abanengi kudaba lolu bahlala eBudiriro ngaphandle kuka Chibaya ohlala eGweru.
Ebuzisiswa ngamaqgwetha uthe uyavuma ukuba amabandla ezombusazwe alelungelo kuleli, esithi yonke imihlangano kumele bephiwe imvumo ngamapholisa. Uthe ubufakazi alabo ngobokuba bonke abantu laba babotshwa ndawonye njalo benze umhlangano ongekho emthethweni.
UGarauzive uthe lokho okusemaphepheni abo ukuba ‘ Ngaapinde hake mukomana’ okutsho ukuthi kangene ujaha kuliqiniso ukuba kwalotshwa ngamapholisa kodwa asocala.Elinye lamgqwetha alabo ababotshiweyo uMnu Wilber Madinde uthe amapholisa apha ubufakazi kawakhiphe okusegcekeni icala.
Isikhulumeli se CCC uMnu Gift Siziba uthi kusobala ukuba amalunga ebandla lakhe ayahlukunyezwa.
Your browser doesn’t support HTML5
Udaba lokuthonisiswa kwamalunga awe CCC siluphiwa nguMlondolozi Ndlovu