Harare........................
Ummeli we Budiriro edale lephalamende uMnu Costa Machingauta usebotshiwe ngesikhathi abanye abangamatshumi amabili lanhlanu 25 abagoqela ummeli we Mkoba uAmos Chibaya bemiswe phambi komthethwandaba besetheswa icala lokuphatheka emhlanganweni ngenjongo yokuphehla udlakela.
Ukubotshwa kuka Machingauta kubikwe ligqwetha lakhe uMnu. Darlington Marange otshele intathelizindaba ukuba umkhaphe ukuya enkambeni yamapholisa lapho etheswe icala elifana labanye abe CCC abangamatshumi amabili lanhlanu abagoqela umntwana oyintombazana oleminyaka elitshumi lasikhombias-17.
UMarange uchasise ngoikubotshwa kuka Machingauta.
“Ngesikhathi sicela ibail ka Chibaya labanye bakhe, kubikwe ukuba bebedinga uMachingauta. Sisuke saya e Harare Central lapho afike abotshwa khona esetheswa icala ele theswa abanye bakhe”
Uqhubeke esithi uMachingauta uzamiswa emthethwandaba kusasa.
Abanye bakhe abangamutshumi amabili lanhlanu bamiswe phambi komthethwandaba kaMantshi eHarare, lapho okube lesicelo sokuba icala labo lithoniswe lehlukene ukuze kuvikelwe umntwana omncane owabotshwa ndawonye lo Chibaya labanye abebandla leli.
Igqwetha labo uMnu Wilber Madinde ubike ukuba udaba lolu luzaqhubeka kusasa becele isibambiso se bail.
“Sesiphumile edale lapho esehlukele khona ukukhuluma ngodaba lwe bail. Udaba olukhulunyiweyo ludaba lomntwana omncane obotshiweyo, lapho akade kulodaba lokuba athoniswe kungelabantu kumbe athoniswe eyehlukene labanye”
Umsekeli wesikhulumeli se CCC uMnu Gift Ostallos Siziba obe esemthethwandaba uthi bayadana ngokwenzakala kumalunga ebandla labo.
“Sikhangelele ukuthi bephiwe ibail. ICCC yinhlanganiso esebenza okusemthethweni. Asikhangeleelanga ukuba imihlangano yethu iqhubeke ivinjwe njengalokho esikubonayo”
Ebantwini abangamatshumi amabili lanhlanu- 25 ababotshiweyo, bekulo mmeli we Mkoma uMnu Amos Chibaya ommela iMkoba edale lephalamende njalo bayalilandula icala abaletheswayo. Umhlangano lowu ubusenzelwa emzini ka Machingauta, ongummeli we Budiriro edale lephalamende.
Your browser doesn’t support HTML5
Udaba lokuthonisiswa kwabeCCC ababotshwe eBudiriro siluphiwa nguMlondolozi Ndlovu