Izakhamizi zakoBulawayo ziveza ukukhathazeka okukhulu ngokumiswa umsebenzi kuka Dokotela Edwin Sibanda- Mzingwane obengumqondisi wezempilalakahle kukhansili yalelidolobho.
UMabhalane wekhansili yako Bulawayo uMnu. Christopher Dube, walile ukuchaza imbangela yokumisa uSibanda umsebenzi, ethi uzakhuluma ngemva kophenyo lwekhomithi ezahlolisisa ukumiswa kwakhe.
“Lapho esesikhona akusavumi ukuthi sikhulume ngodaba lolu; sizakhuluma ngalo ikhomithi ingaqeda ukuhlolisisa ukumiswa kuka Dube umsebenzi.”
UMabhalane we-Bulawayo Progressive Residents Association uMnu Thembelani Dube uthi uma kulandelwe izinqumo zokumiswa umsebenzi kulungile, kodwa angabiludlawu lokonakalayo edolobheni.
“Ukumiswa kuka Dube umsebenzi, akungabi ludlawu lokwethusela lokwehluleka kwabathile uma ebenzi njalo, kumele kulandelwe umthetho ekumiseni uDube umsebenzi.”
Olwela amalungelo oluntu uMnu. Effie Ncube, uchaze ukuba amalungelo oluntu ezisebenzi engephulwa mahlayana lidolobho elehluleka ukulondoloza idolobho.
“Ikhansili kumele ihloniphe amalungelo oluntu lawezisebenzi ngendlela bengancindezeli izisebenzi sikhathi sonke.
Ukumiswa umsebenzi kuka Dube, sokutshiye inengi likhakhamele ngoba bebekhangelele ukubana aphutshe uhlelo lwakhe lokulondoloza ukuhlanzeka edolobheni. Lelidolobho lisalinda kuthola usekelo olwe-Joint Operation Command ngoba sekulendawo ikhansili eyehluleka ukuzifinyelela kubikwa sezisezandleni zabathile.
Your browser doesn’t support HTML5
Udaba lokumiswa umsebenzi komqondisi wezempilakahle koBulawayo siluphiwa nguannahstacia Ndlovu m4a