Ikhomithi yephalamende ebekwe ukukhangelisisa ugwalo oluqoqwe ngabekomishini eye Zimbabwe Electoral Commission, olwe-Delimitation Report, ithi ugwalo lolu aluhambelani lesisekelo sombuso welizwe, isithi kumele lwenziwe kutsha.
Embikweni owethulwe lidale lephalamende, ikhomithi le ithi kakuzange kulandelwe isisekelo sombuso, ikakhulu ekusetshenzisweni kwenani labantu ababhalisa ukuvota, lenani labantu base Zimbabwe.
Iphalamende ithi bekumele kusetshenziwe ugwalo lwenani labantu abaseZimbabwe olwe-Census, lona olungazange lusetshenziwe ngesikhathi i-ZEC ikhipha imingcele.
Obe ekukhomithi le, uMnu Prince Dubeko Sibanda uchasisa kabanzi ngalumbiko wabo.
“I-ZEC yasinikeza inombolo zayo. Engikhangelele ukukusa ephalamende yikuba abantu ababhalisa ukuvota bangaki. Esikwesabelayo yikuba kuzaba lokungenela kwezombusazwe. I-ZEC yenza lokhu kungela-Census report”
Uqhubeke esithi okukhitshwe yilolu gwalo kakulani lokwamabandla ezombusazwe.
“Okuphume ku-report leyi, kuphume ngokuvumelana phakathi kwamalunga ale ikhomithi. Sesizakuyisa kuMongamel,i ukuba ayise e-ZEC ukuze ikhangelisise esikusolayo”
Obona ngezokhetho kubandla le-CCC, uNkosikazi Ellen Shiriyedenga, uthi njengebandla, bathemba ukuba abakhalaza ngakho kuzalungisiswe.
“Kumele ukuba ugwalo lolu lukhangelisiswe, ngoba asikatholi i-voters roll, yona elakho ukuncedisa ngesikhathi kulungisiswa lincwadi. Nxa singela-voters roll, kunzima ukuyithemba lincwadi”
Ingcitshi kwezombusazwe uMnu. Bekezela Gumbo, osebenza lenhlanganiso ye-Zimbabwe Democracy Institute (ZDI), uthi kumele kube lokuzwisisana phakathi kwe-ZEC lamabandla ezombusazwe.
“Nxa sekhangelisisa kwezombusazwe kumele kube lokwethembana. Nxa lokhu kungalungisiswa, i-ZEC kayisoze ithenjwe ngabanengi”
Ikhomithi ezahlolisisa ugwalo lolu olujulileyo ibikhokhelwa nguMnu. Pupurai Togarepi, obona ngokwenzakala kubandla le-Zanu PF edale lephalamende.
Ugwalo lolu luveza ukuba kuzaqhubekela phambili kulezigaba ezedlula amakhulu amabili – 210 Constituencies. Ezinye izigaba zibanjaniswe lezinye, ngenxa yenani eliphansi labavoti: Kuthi njalo kwengezwe ezinye lapho okulabantu abanengi ababhalisela ukuvota.
Lolugwalo lwe-Preliminary Delimitation Report, lutshengisa ukuba isigaba se-Harare sesilezigaba loba ama-Constituencies angamatshumi amathathu, njalo izigaba ezinjenge SE-Warren Park lese-Kambuzuma, kazisekho.
Isigaba se-Harare sesilezinye ezintsha ezigoqela ese-Hunyani, Churu, Budiriro North le-South, kube sekusiba lese-Epworth North le-South. Isigaba se-Masvingo lokhe silama-Constituencies angamatshumi amabili lasithupha, lanxa isigaba se-Gutu South singasekho.
Your browser doesn’t support HTML5
Udaba lwamalunga ephalamende ale ukwamukela ugwalo olweDelimitation siluphiwa nguMlondolozi Ndlovu.mp3