Amabandla aphikisayo athi uhulumende kaMongameli Emmerson Mnangagwa uzama ukuwabhidliza kungakenziwa ukhetho oluqakathekileyo lonyaka.
Athi ukubotshwa mahlayana kwamalunga ebandla leCitizens Coalition for Change lawe Mthwakazi Republic Party lamanye kuveza ukuba uhulumende kaMnangagwa uzonda ukuphikiswa.
Athi akusakhankaseki emphakathini ngoba abaphikisayo bayabotshwa bengenza imihlangano lozulu. Kubotshwe amakhansila amabili izolo akubandla leCCC, okuthiwa ephule imithetho yelizwe ngokukhulumisana labathengisa impahla emigwaqweni njalo lezakhamizi.
Okwamanje uMnu. Job Sikhala, omele iZengeza West edale lephalamende ekubandla leCCC, uselenyanga phose eziyisikhombisa evalelwe eChikurubi Maximum Security Prison njalo kulamalunga ebandla leMRP lawo avalelwe entilongweni.
Uyakhala lozulu ngokwenzakala elizweni.
UMnu. Nhlanhla Moses Ncube, okunhlanganiso yeFreedom Alliance, uthi uhulumende kaMnangagwa wenza santando.
Kodwa uMnu. Joseph Tshuma, ilunga leZanu PF Central Committee, uthi kubotshwa abangalandeli imithetho yelizwe.
SEE ALSO:
Ingxoxo Esiyenze loNhlanhla Moses Ncube loJoseph Tshuma