EzeZimbabwe

Abaphikisa Uhulumende Bakhala Ngomthetho Obunjwayo Olakho Ukubhidliza Inhlanganiso Ezizimeleyo

  • Gibbs Dube

Okwenzakala eZimbabwe ngomnyaka ka2019 uzulu ekhonona ngokukhuphulwa kwentento yamafutha ezimota

Bayakhala abakunhlanganiso ezizimeleyo abathi lenze ihlazo idale leHouse of Assembly aselidlulisele kudale leSenate umthetho obunjwayo owePrivate Voluntary Organizations Amendment Bill.

Bathi umthetho obunjwayo lo ulakho ukubhidliza inhlanganiso ezizimeleyo ezicatshangelwa nguhulumende ukuba zilwisana lebandla elibusayo njalo lohulumende.

Idale leSenate likhangelelwe ukuba lizahlolisisa umthetho lo ngoZibandlela.

Umthetho obunjwayo lo unika umphathintambo obona ngeswelo zikazulu kanye lenhlanganiso ezizimeleyo amandla okuvala mahlayana inhlanganiso ezitshiyeneyo.

UMnu. Ambrose Sibindi, okunhlanganiso yeBulawayo Progressive Residents’ Association, uthi kuyethusa okwenziwe lidale leHouse of Assembly.

SEE ALSO:

Ingxoxo Esiyenze loMnu. Ambrose Sibindi

Kodwa uMnu. Joseph Tshuma, okubandla leZanu PF, uthi kuqondile okwenziwe lidale leHouse of Assembly ngoba kulezinye inhlanganiso ezizimeleyo ezifuna ukwenza santando ezimbabwe.