BULAWAYO - Sokwedlule iminyaka eyisikhombisa izakhamizi zakoBulawayo zimelele indawo zokwakha izindlu ezazibhadalela zaphinda zakhitshiswa eyinye njalo imali yokulungisa indawo lezo. Namuhla izakhamizi lezi zitshengisela edolobheni leli zikhala ngokungatholi indawo lezi eMganwini.
Izakhamuzi ezabhadalela indawo zokwakha izindlu eMganwini zitshengisele emahofisini ekhansili eCity Hall zikhonona zisithi lokhe zingakatholi indawo zazo zokwakha sekuleminyaka eyisikhombisa babhadala. UMnu. Bhekinkosi Ndlovu ngomunye wababhadalela indawo zokwakha.
"Into ebesiyingenele phakathi yikuthi isikhathi sesiside simelele amastands ethu eMganwini leTshabalala,basiphe at j(ndule bathi I problem eyenza ukuthi bengasiniki amastands ethu ngesikhathi uContractor uyaphikisana labo ngezomthetho ngale indaba yabo iseCourt. Bathi bona ngomthetho abavunyelwa kodwa sithe thina sizazenzela sizazidingela owethu ukuthi singaphambanisi sesaba ukuthi sakhe sizesicine sidilizelwa izindlu zethu."
Abanye abantu abatshengisele eBulawayo City Hall ngoMvulo/
Lokhu kusekelwa nguMnu. Mgcini Dube, omunye obetshengisela phandle kwesigodlo sedolobho leli.
"Namhlanje lisibona silapha sizodinga okungokwethu sesikhulumisane laye ukhansili sifuna okungokwethu. Esesikwenzile yikuthi sesithatha amanyathela okuthi sizenzele bethi besenza okwabo okwema court lathi senze okwethu okokuthi sithole indawo zethu."
UNkosikazi Lucia Gagura, owathenga indawo yokwakha ngo2016, uthi lokhe bengakatholi indawo zabo.
“Sathola amastands 2016 ngokuthi ufuna esinganani abanye babhadala cash sasiphi we 1 year 6 months ukuthi siqedise ukubhadala siphiwe indawo zethu zokwakha. After lockdown sabuyelela ukuthi siyekuzwa ukuthi iminjani kuzekubelakhathesi .NgoJuly kwathiwa ucontractor usebisele amaphepha ekhansilini ngoba kasakwanisi ukuqedisa Imali seyadliwa yinflation ngoba abanye bacina ukubhadala kuyirtgs.Ngo August bathi bacela amatop up e675 US ukuthi bayefaka itara kodwa namuhla silapha ngoba itara asisela ndaba layo isikhathi sesiside sesifuna indawo zethu siyakhe."
Okwenzakale ngoMvulo phandle kwesigodlo sakoBulawayo
Umnunzana Ambrose Sibindi, umgcinisihlalo weBulawayo Progressive Residents Association, uthi isikhathi sesiside abantu laba bengakatholi indawo zokwakha abazihlawulela imali enengi.
“Izakhamuzi ezabhadala imali zokubana zithole indawo zokwakha last izindlu amastands eMganwini bezitshengisela emawofisini ekhansilini.Uhlupho sebeleninyaka eminengi bekhiphe leyo mali phezukwalokho futhi sokuthiwa bafake eyinye futhi.Okuhlupha abantu futhi yikuthi balojile babhadaliswa $60 indlu eyodwa kodwa belamastands okukuthi babebesakha."
UMnu. Mpumelelo Moyo, ukhansila weMganwini, uthi uvumelana lezakhamizi okumele ziphiwe umhlabathi abawuthengayo.
"Liqiniso sibili ukuthi izakhamuzi bezitshengisela, ngenxa yama stand asele 7years. Njengo Councillor wesigaba ngifisa ukubana izakhamizi zithole ama stand lawa ukuze zitshiye zakhele abantwababo. Abaphiwe ama stand abo, lami ngiyabancedisa kulokhu ngivumelana labo."
lziphathamandla zekhansili zibatshele ukuthi okwenza kuphuze yikuthi indaba yezitendi le isisemthethwandaba ngakho-ke abalalungelo lokwenza lutho. lzakhamuzi zithi zona sezifuna indawo zazo ngoba imali abayibhadala ezindlini zabantu abahlala khona inengi kakhulu. Imizamo yokuxhumana lesikhulimeli sekhansili yakoBulawayo uNkosikazi Nesisa Mpofu yehlule ngoba ubengadobhi ucingo lwakhe.