Uhlupho lwamanzi lokhe luqhubekela phambili osekwengezwe luhlupho lokusilela kwamandla kagetsi elizweni lonke jikelele. Ikhansili yakoBulawayo isikhuthaze izakhamizi ukuthi zisebenzise amanzi ezibhorane ngenxa yohlupho lwamagetsi wokuphompa amanzi esuka emadamu, osolwenze ukuthi isikhathi sokutholakala kwamanzi sibe ngesifitshane.
Okwamanje amagetsi acitsha amahola phose angamatshumi amabili - 18 hours. Lokhu ayisikho kwakuqala ikhansili imisa ukulandwela kohlelo lokuvalwa kwamanzi.
UNkosikazi Sikhululekile Moyo, ukhansila kaWard 17 njalo engumgcinisihlalo wohalngothi olweFuture Water Supply uthi bayazama ukuthi badinge indlela zokuthi bancedise ukuthi amanzi atholakale.
"Siyi-Bulawayo City Council siyaxolisa lathi kuphezu kwamandla ethu okukhona ngoba luhlupho olukhona iZimbabwe yonke ngoba amagetsi ayasilela. Ngakho siyiBulawayo City Council silendlela esikhangele ukuthi siyancedisa sizangena kwezeSolar sikhangele ukuthi sincedise ngoba ayisizo zonke ezivuma isolar."
UMnu. Joseph Nkomazana ilunga lenhlanganiso yezakhamuzi eye-Bulawayo Progressive Resident Association uthi uhlupho lwamagetsi lamanzi aluqalanga khathesi ikhansili kumele