Abakabotshwa abantu abangene endlini yokukhonza uNkulunkulu eyeSeventh Day Adventist Church eJohannesburg kwele South Africa bathathela inceku zeNkosi izikwama ezilemali, ama-laptops lokunye.
Amapholisa atshele iStudio 7 ukuthi babadinga ngamehlo abomvu abantu abenze ihlazo leli.
UMfundisi Israel Ntshangase, omele ibandla leSeventh Day Adventist Church eJohannesburg, uthi izigebengu lezi ebezithwele izibhamu kazidubulanga muntu njalo kazithathanga imali yomnikelo.
UNtshangase uthi zethusele abantu abalaliswe phansi kwathiwa befake konke abalakho emigodleni emnyama yokuthwala izibi.
Uthi basele bethithibele abakhahlanyezwe yizigebengu lezi ebezimbalwa. Lokhu ngokwesithathu ukuba izigebengu zingene endlini yokukhonza uNkulunkulu eJohannesburg zithathela abakhonzayo impahla etshiyeneyo.
Kulabantu abanengi abadabuka eZimbabwe abakhonza eSeventh Day Adventist Church eJohannesburg Central.
SEE ALSO:
Ingxoxo Esiyenze loMnu. Israel Ntshangase