WASHINGTON DC - Amapholisa athi kulezidumbu zabesilisa abane ezitholakale emgwaqweni osuka edolobheni leHarare usiya eNyamapanda ezicatshangelwa ukuthi ngezabantu bakwamanye amazwe abafela emoteni basebejikelwa egangeni yilowo owayebathwele.
Isikhulumeli samapholisa uMnu Paul Nyathi uthi bacabangela ukuthi abane laba babedlula eZimbabwe besiya kwelinye ilizwe begade imota evalekileyo, okwabangela ukuthi baphelelwe ngumoya basebefela phakathi.
UNyathi uthi sebevule uphenyo besebenzelana lamapholisa eInterpol ukuze kubonakale ukuthi izidumbu lezi ngezabobani lokuthi abafi bavela ngaphi. Uthi njalo badinga lowo olokwenza lokufa kwabo.
Uhulumende weMelika uthi eleZimbabwe ngelinye lamazwe angaphathi kuhle udaba lokuhambahamba kwabantu bedlulela kwamanye amazwe ngaphandle komthetho, i-human trafficking.
Umeli weSoutherton edale lephalemende uMnu Peter Moyo utshele iStudio 7 ukuthi ngempela ukufa kwabane laba kungaba kukhomba ukugxila kodubo olukhulunywa yiMelika.
Your browser doesn’t support HTML5
Ingxoxo loMnu Peter Moyo