BULAWAYO - Sokusele usuku olulodwa kuphela ukuthi kuqale umncintiswano wenguqu ohlanganisa izizwe zomhlaba oweFIFA World Cup 2022 oqhutshelwa kweleQatar.
Limidlalo isungulwa ngesonto lapho eleQarta elizangqikilana khona leleEquador. Lo yiwo wodwa umdlalo okhona ngeSonto.
NgoMvulo kulemidlalo emithathu, ebalisa oweEngland leIran, iSenegal izadibana leNetherlands kuthi iMelika yona idabhuqana leWales.
Umdlali weSenegal odumileyo odlalela iqembu lakweleGermany eleBayern Munich, uSadio Mane, yena obekhangelelwe ukuphatheka kulimidlalo kasoze abekhona ngoba elimele.
FILE PHOTO: Africa Cup of Nations - Final - Senegal v Egypt
Lanxa eleZimbabwe lingekho kulimidlalo, abalandeli benguqu kuleli bathi bayilindile ngamehlo abomvu.
Omunye omelele limidlalo ngumgcinisihlalo weqembu lenguqu eleBulawayo City Council uMnu Jerry Sibanda.
"Kulama-Underdogs, kulama-championship contenders, especially i-team enjenge Brazil,” kutsho uSibanda. "I-Germany iqinile, ezabo Modric lazo ziqinile, oCroatia akusiwo ma-team alula kodwa bakhangelele ukuthi mhlawumbe ezeAfrica zingaba weak; they are very strong teams."
Umqeqeshi oludumo ololonga abafana abasakhuluyo kwezenguqu uAli Baba Dube uthi uhamba leBrazil, yona eqeqetshwa ngowake wadla ubhedu edlalela lelolizwe uCarlos Caetano Bledorn Verri, obizwa njalo ngokuthi nguDunga.
Umqeqetshi weqembu leBrazil uCarlos Caetano Bledorn Verri, obizwa njalo ngokuthi nguDunga.
UDube uthe, "Mina iBrazil yiyo engibona ngani ingathatha kumbe eyakithi eAfrika iSenegal ngoba ilama good players adlala khonale emazweni overseas. I-Brazil yiyo engathatha, iArgentina yayiwiniswa ngoMaradona kusase nguMaradona owayedlala; khathesi uMessi kafani loMaradona."
Umdlali wenguqu oludumo owayedlalela iqembu leHighlanders uSizabantu Khoza yena uthe usekela iqembu leBrazil.
Inengi libuka ilizwe leQatar ngokuqoqa limdlalo khona kulilizwe elincane.
Your browser doesn’t support HTML5
Udaba Siluphiwa nguEzra Tshisa Sibanda