WASHINGTON DC - Ibandla leCCC lithi umeli walo weChitungwiza North edale lephalamende, uMnu Godfrey Sithole uzahlolwa ngodokotela ukuze kubonakale ukuthi uphile kuhle yini ngemva kokuhlala ejele leChikurubi Maximum Prison okwenyanga phose ezinhlanu.
USithole ukhululwe yinkantolo kamantshi ngoLwesine kulandela ukubotshwe kwakhe ngoNhlangula ndawonye lamanye amalunga eCCC alitshumi lanhlanu, 15, agoqela umeli weZengeza West ephalamende uMnu Job Sikhala besetheswa icala lokuphehla udlakela eNyatsime.
Umantshi umkhulule nge-bail yenkulungwane zamadola eZimbabwe ezingamakhulu amathathu, Z$300,000, wamxwayisa njalo ukuthi ayezibika emapholiseni kanye ngeviki, aphinde aphe umthethwandaba i-passport yakhe.
USithole uhlangabezwe ngabasekeli beCCC abanengi ekade behlabela bejabulela ukukhululwa kwakhe ngoLwesine ntambama. Umsekeli wesikhulumeli salelibandla uMnu Gift Ostallos Siziba uthe uSithole ubekhangelelwe ukuya kudokotela ngoLwesihlanu.
Your browser doesn’t support HTML5
Ingxoxo loMnu Gift Ostallos siziba
UMnu Sikhala lamanye amalunga eCCC alitshumi lanhlanu bona balokhe bevalelwe njalo sebencitshwe i-bail ngumthethwandaba kamantshi loweHigh Court kanengi.