Abalwela izikhundla zedale le-Senate lele House of Representatives, endaweni ezimbalwa, bamelele impumela yokhetho lolu ngoba kubalwa amavoti athunyezwe nguzulu kusetshenziswa i-post office, amagabha okuvota lokunye.
Akukacaci ukuba kuzahamba njani kukhetho lwedale lesenate e-Arizona le-Nevada. Esabelweni se-Georgia kubengutshiki lobhanqa phakathi kwabancintisa kukhetho lokudinga ozamela indawo le edale le-Senate. Kuzakwenziwa olunye ukhetho esabelweni lesi mhlaka 6 Mpalakazi.
Okwamanje, abezindaba abe-Associated Press babika ukuba ibandla lama Democrats lilezihlalo ezingamatshumi amane lasitshiyangalombili – 48 kuthi elama-Republicans lilezihlalo ezifika phose amatshumi amahlanu – 49 kudale le-Senate.
Lokhu kungaziwa njalo ukuba kuzahamba njani edale le-House of Representatives loba ibandla lama Republicans kukhanya lizahluthulela elama Democrats idale leli. UMongameli Joseph Biden uthi impumela yokhetho lolu iveza ukuba ukhetho lwenziwe ngendlela efiswa nguzulu.
SEE ALSO:
Ingxoxo Esiyenze LoMnu. Muzi Ncube