EzeZimbabwe

AbeElectoral Resource Center Bafuna iZimbabwe Electoral Commission Ibanike iVoters Roll Kungakedluli Insuku Eziyisikhombisa

  • Gibbs Dube

Ugwalo olulamagama abavoti olwe-voters' roll olweZimbabwe

Inhlanganiso yeElection Resource Center ithi izahambisa iZimbabwe Electoral Commission (ZEC) emthethwandaba nxa ingehluleka ukubanika ugwalo olujulileyo olumumethe amagama abantu abazavota kukhetho oluzayo.

Inhlanganiso le ithi akuqondanga ukuba iZEC ikhuphule intengo ye-voters’ roll njalo yale ukunikwa uzulu ugwalo lolu oluzasetshenziswa ngomnyaka ozayo kukhetho lokudinga amakhansila, amalunga edale lephalamende lomongameli.

Amabandla aphikisayo ayakusekela lokhu esithi i-voters roll kukhanya engani isetshenziswa nguhulumende kaMongameli Emmerson Mnangagwa ngendlela ezingaqondanga.

UMnu. Nhlanhla Moses Ncube, okunhlanganiso yeFreedom Alliance, uthi kumele kube lula ukuthi uzulu athole ivoters roll.

SEE ALSO:

Ingxoxo Esiyenze LoMnu. Nhlanhla Moses Ncube

Kodwa uMnu. Mlungisi Moyo, ilunga lebandla elibusayo, uthi kuyamangalisa okufunwa zinhlanganiso ezizimeleyo.

SEE ALSO:

Ingxoxo Esiyenze LoMnu. Mlungisi Moyo