Amagqwetha akunhlanganiso yeZimbabwe Lawyers for Human Rights azama ukukhulula abantu abafika phose amakhulu amabili - 183 ababotshwe ngoLwesibili langoLwesithathu lanamuhla eVubachikwe Mine, bavalelwa enkambeni yamapholisa eGwanda.
UMnu. Jabulani Mhlanga, omunye wamagqwetha enhlanganiso le, uthi bazama ngamandla wonke ukukhulula abantu laba, abagoqela abesifazana ababili.
Omkhulu wamapholisa ukhuluma labesifazana ababhikitshe eVubachikwe Mine ngoLwesibili. (Umfanekiso: Albert Ncube)
Amapholisa aphose intuthu ehitshayo kulandela ukutshiswa kwezakhiwo zomgodi lo kanye lezindlu zabaphathintambo beVumbachikwe Mine.
Abesifazana bebebhikitsha ngokungaholiswa kwabomkabo okwenyanga ezintathu ezedluleyo.
Abanye abesifazana ababikitshe emgodini wegolie eVubachikwe Mine eGwanda
Amakhosikazi la abefika phose amakhulu amabili, avuke emadabukakusa elubhekise emgodini wegolide weVumbachikwe ukuyakhonona ngokungaholi kwabomkabo okwenyanga ezintathu.
UMhlanga uthe abanye ababotshiweyo bazamiswa emthethwandaba ngoLwesine.
Kasenelisanga ukukhuluma leziphathamandla zomgodi wevumbachikwe kanye labakhokhela amapholisa ngoba bebengaphenduli umakhalekhukhwini.
SEE ALSO:
Ingxoxo Esiyenze LoMnu. Jabulani Mhlanga