Abakumabandla atshiyeneyo bathi kumele kukhankaselwe ukhetho oluzayo ngokuthula ukwenzela ukuthi kuqhutshwe ukhetho oluzakwamukelwa ngumhlaba wonke.
Kulabanye njalo abathi amapholisa leZimbabwe Electoral Commission kumele belandele umthetho ukuze kuqutshwe ukhetho olukhululekileyo.
UNkosazana Precious Ndlovu ngomunye wabasola okwenziwa ngamapholisa leZimbabwe Electoral Commission.
Bayakhala abantu ngodlakelwa olwenzakala elizweni ngesikhathi kulungiselelwa ukhetho oluzayo.
UMnu. Joseph Tshuma okubadla leZanu PF uthi kuqakathekile ukuthi kube lokuthula eZimbabwe kuze kufike usuku lokhetho.
UMnu. Nhlanhla Moses Ncube,okunhlanganiso yeFreedom Alliance, uthi uTshuma ukhuluma eziluma ulimi.
UMnu. Freedom Murechu, okubandla leZanu PF, uthi abatsha kumele bekhuzwe ukuze kungabi lodlakela eZimbabwe.
Kasenelisanga ukukhuluma leziphathamandla zamapholisa kanye labakukhomishini eqhuba ukhetho ngoba bebengaphenduli omakhalekhukhwini.
SEE ALSO:
Ayakhala Amabandla Aphikisayo Athi Kumele iZEC Lamapholisa Belandele Imithetho Yokhetho