Ibandla leZanu PF seliqhuba umkhankaso wokhetho oluzakwenziwa ngomnyaka ozayo, likhangela kakhulu emadolobheni lapho elihlala linqotshwa okwamagama ngamabandla aphikisayo. KoBulawayo, umgcinisahlalo webandla leli uMnu. Jabulani Sibanda, usebhode indawo ezimbalwa okwamanje edinga usekelo kubodokotela labanye abezempilakahle.
USibanda ubhoda ezibhedlela lemakolitshini akoBulawayo lapho athembisa ukuthi angancedisa izisebenzi zikahulumende ukuthi zithole umhlabathi wokwakha izindlu. Uthi ulakho ukukhulumisana lekhansili ukuze inike uzulu indawo zokwakhe izindlu kanye lokusungula amabhizimusi.
Omongikazi labodokotela lezisebenzi zesibhedlela sabagula umkhuhlane wengqondo eseIngutsheni Hospital babuye ngobunengi emhlanganweni obizwe nguSibanda. Uthi kunengi okungenziwa ngodokotela labongi ukwenzwela ukuzithuthukisa.
Abongikazi labodokotela esibhedlela seIngutsheni koBulawayo balelele uMnu. Jabulani Sibanda.
“Uyabona unurse nangu uyazama why singakhi sonke, sesifikile lapha sonke siyakhe umuzi wethu, okuyi mali esikuholayo shlanganise sithengi ngi nkomo sidinge uSibanda asidingele istand. Siyethola istand ePumula South lapha because if you come to me l will do it even tomorrow. Ngiyahamba ngiyekulwa for you I go there and fight for you. You are my comrades I can die for you. I'd be prepared to die for you. If you are under attack I’m prepared to die for you.”
Uqhubekele phambili uSibanda etshela izisebenzi lezi ukuthi bakhumbule ukuthi igazi lachitheka kulwelwa ukuthi bakhululeke ngakho kumele beziphathe kahle.
Amalunga ebandla leCCC Ward 2, Matobo, esabelweni seMatabeleland South.
"Sweats and blood and lives of many many people who died seeing you in their vision but they will never know you. Take your nationality your nationhood serious as a people. They come here they give you things ezisemaceleni ucine ungasakwazi ukuthi lapha ngifuna ukuzoba ngu-nurse kumbe ufun’ukuzoba ngu-shebeen queen. Ungumfazi kodwa ulokhubukela iponography uze uyethengi data imali othengangayo idata ikwana izitina ezingu-10. I'm not here to ask for your support or anything I just wanted to come and tell you the truth."
Amabandla aphikisayo athi okokhulunywa nguSibanda ngamanga aluhlaza tshoko ngoba akulanto anganceda ngayo izisebenzi. Amabandla la athi uSibanda ukhankasela ibandla lakhe kuphela. UMnu. Mathew Bhubesi Sibanda, ngeyinye yenkokheli kubandla leZapu.
"Ngiyamuzwa umfowethu uJabulani Sibanda uhamba ethiya ezikolweni lasezibhedlela. Hayi kudala sithenjiswa kusekela ku42 years sithenjiswa izinto ezingayisizo, akukho lokho abantu kumele bakwazi ukuthi hayi laye usemsebenzini umfowethu yi-campaign leyo yoku campainela ukuthi abantu mhlawumbe benga votela ibandla elibusayo liphinde libuyele embusweni kodwa bazabe bebona udubo lokhe lusiya phambili."
UMnu. Jabulani Sibanda
USenator Gideon Shoko, owebandla leCitizens Coalition for Change, uthi ibandla leZanu PF alilamhlaba emadolobheni ngakho-ke uSibanda angayengi abantu.
"IZanu in the first place kayila land, iState has got land. So nxa kuyenzwa okweland kuma state institutions kuyenzwa kuma public servants it must be done in Public Service Commission yibo aba in charge ngezinto lezo. Yi-campaign year kubi lokhu vele kunjalo vele iZanu ihlala injalo."
Intsha yebandla leZanu PF koBulawayo ithi ijabuliswe ngamazwi kaSibanda.
UMongameli Emmerson Mnangagwa
UAdmire Maskati yinkokheli kwabatsha kubandla leZanu PF.
"Okutshiwo nguchairman wethu uComrade uJabulani Sibanda ukuthi ufuna ukulobha ama council ukuthi aphe ontanga izitendi kumbe abafasilitete izitendi mbona ngani kuyinto enhle ngoba ontanga abanengi abalamsebenzi kodwa nxa ikhansili ingalobha ukuthi ibanike amastands berenta bebhadala ngibona ngani kungaba ngcono ukuthi ilizwe liqhubekele phambili. Luhlelo oluhle olungaso lwe-campaign kodwa okokuthi lu-empower ontanga."
Omunye osakhulayo, uNkosazana Blessed Dube, uthi akungacatshangelwa izisebenzi zikahulumende kuphela, kodwa intsha engasebenziyo lezisebenzayo.
"Yinto enhle kakhulu ukuthi as ama youth sthole ama stands but inkinga yikuthi i majority yama youth ayikho ku government and inengi lethu we are working under private or abanye abala layo imsebenzi yakhona maybe if you can adjust for us on that one."
Ibandla leZanu PF lithi lifuna ukunqoba emadolobheni lapho elihlala libhuqwa khona ngamabandla aphikisayo njalo umgcinisahlalo walelibandla koBulawayo uthi uzakwethekelela wonke amakhona edolobho leli ekhankansela ibandla lakhe.