HARARE - UMongameli Emmerson Mnangagwa usekhuthaze ababalisi ukuba bengasetshenziswa yizitha zeZimbabwe esithi kumele basebenzele ilizwe labo kungelani lobunzima ababhekane labo.
UMnangagwa wethule amazwi la namuhla eHarare ngesikhathi esungula okusemthethweni uhlelo lwababalisi olwe-Teachers for Economic Development. Uncome kakhulu ababalisi ngomsebenzi abawenzayo ekuthuthukiseni ilizwe leZimbabwe.
Uthe loba nje ababalisi bebhekane lenhlupho ezinengi ezifana leholo eliphansi, uhulumende uzaqhubekela phambili edinga indlela zokuba bengabasiza njani. Uqhubeke esithi ababalisi bakulez’insuku akusamelanga bathembe kuphela ekutholeni iholo.
UMnangagwa uthe kumele benze imisebenzi yezandla efana lokulima, ukubaza lokunye. Uthe abababilisi akumelanga besetshenziswe yizitha zelizwe ezifuna ukuba behlamukele inkokheli yelizwe.
Izisebenzi ezinengi eZimbabwe zikhala ngeholo eliphansi. Zifuna ukuba ukulumende azinike izolo ezazilithola uMnangangwa angakabi ngumongameli. Umhlangano weTeachers for Economic Development ungenwe ngababalisi abafika phose inkulungwane ezinhlanu abavela ezabelweni ezitshiyeneyo. Batshiye abantwana beloba phose bodwa imihloliso. UNkosikazi Nesia Dube, ofundisa eTsholotsho, uchasisa ngakuthole emhlanganweni lo.
Lokhu kugcizelelwe ngomunye umbalisi weSilobela, uNkosazana Nomzamo Dlomo, yena othi bafundiswe ukuba njengababalisi kumele baqine ngemisebenzi yezandla.
UMnu Teddy Ncube, uyakusekala lokhu.
Kodwa omunye umbalisi, uNkosikazi Charity Sithole, ofundisa eKuwadzana uthi umhlangano owenzakale namuhla awulani lezifiso zababalisi. Uthi ibandla leZanu PF lizama ukubadonsela kubandla leli.
Inhlanganiso yeTeachers for Economic Development, esanda kusungulwa, ithi ijonge ukwenza ukuba ababalisi bathande ilizwe labo njalo behambe emsebenzini kungelani lemali abaziphiwayo.Abanengi bathi yindlela yokudinga usekelo kukhetho lomnyaka ozayo. Inkokheli yalinhlanganiso le namuhla incenge uMnanngagwa ukuba anikeze ababalisi uncedo lwenhlanyelo lendawo zokuthengisela ukuze bancediseke kuholo labo.
Kulenhlanganiso ezinye njalo esezibunjwe ngokufanayo. Zigoqela eyeYoung Women for Economic Development, Pastors for Economic Development lezinye.