Kuliviki kuhlelo Woza Friday silo Stanley Nyathi, odabuka eNkayi kodwa osebenzela ekoBulawayo, ocula umduumo weAfro Pop lengoma zokholo.
UMdluli uthi, "Ngidabuka le eNkayi. Lapha ngibuye lendaba ezimnandi, kulengoma ezimnandi kakhulu engizenzileyo eze Afro pop. Ezinye zikhuluma ngothando ezinye njalo zikhuluma ngokuphila kwabantu nsukuzonke."
Usepheke elinye idlalade uMdluli. "So, ngiliphathele i-album entsha njengoba nje iyi-album eyesithathu. Eyokuqala ngayikhipha ngo2020, eyesibili ngayikhipha ngo2021. Le, eyamanje ikhuluma ngothando langokuphila kwabantu langamasiko akithi akoMthwakazi. Ilengoma ezimnandi ezifanana leyingoma ethi ‘Bangibiza Ngomalume’, ilengoma yeHighlanders lezinye."
UStanley Nyathi
Umfoka Mdluli uke wacindezela amadlalalade engoma zokholo. Okwamanje utshintshe umdumo wakhe esesebenzisana labanye abaculi.
"Ekuqaleni ama-albums ami amabili abengawe gospel kodwa-ke manje sengihlanganisa. Sengicula i-Afro pop, igospel yangakhona iyobe iyiAfro pop. Ama-albums lawa kunabantu abathile nje engisebenza labo. Ukhona omunye umanjinela ubase khonangale eSouth Africa ngowase South Africa then ukhona uMthabisi Moyo ongitshayela iguitar besokusiba khona abanye abathile abangisiza ngokunengi."
UNyathi ucela ukuxhaswa emsebenzini yakhe.
"Ngile clothing label ebizwa kuthwa yiStunning Clothing njalo ngiyenza okwamavideos, ngiyashuta ama-music videos ama-movies, imitshado, amapikitsha lokunye. Abafuna ukungithinta ngiyatholakala ebulenjini bokuxhumana kuFacebook nguStanley Nyathi kuTwitter nguStanley Nyathi kuInstagram nguStanley Nyathi then ku-WhatsApp ngitholakala ku0734533085 inumber yase South Africa."
SEE ALSO:
Woza Friday: Sixoxa LoStanley Nyathi