Abantu koBulawayo bathi amapholisa akuhlangothi lweZimbabwe Republic Police Traffic athwalise amagabha avuzayo abatshayeli bezimota ezithwala uzulu okwenza kube lokuxokozela okumangalisayo emigwaqweni edolobheni leli.
Bathi ukuxokozela lokhu kubangela ingozi njalo abantu abasenelisi ukugada izimota zokubathwala besuka endaweni ezehlukeneyo.
Bagcizelele besithi okuhluphayo okwamanje yikuthi lenkampani ethwala uzulu iphansi kukahulumende eyeZimbabwe United Passenger Company isisehluleka ukuthwala abantu edolobheni leli.
Bathwele nzima abantuabantu koBulawayo
Isakhamuzi sakoBulawayo esihlala eLuveve, uMnu. Maluba Mhlaba, usola isandla esilukhuni samapholisa.
Lokhu kusekelwa njalo nguNkosikazi Phumuzile Ndlovu, ohlala ePumula.
UMnu. Melusi Nyathi, othwala abantu edolobheni leli, uthi amapholisa abathwalise nzima ikakhulu enzikini yedolobho.
Umongameli wenhlanganiso emela amalungelo abafundi eyeZimbabwe National Students Union, uMnu. Benon Ncube, ukhuthaza uhulumende ukuthi adinge ezinye indlela zokulungisisa ukusilela kwezimotha.
Stranded commuters in Bulawayo
Amapholisa akoBulawayo njengawo wonke emadolobheni amanengi awe Zimbabwe basungule umkhankaso, wokubopha izimotha ezingela manumber plates besithi yizo ezisetshenziswa ngamasela ahlomileyo lazo zonke izephulamthetho.
Kuphansi kwalolu hlelo amapholisa ahle aqinisa ukuzingela abemitshova labamabhasi abangasebenzi bephansi kweZUPCO.
Kusukela NgoMvulo izimota ezizimeyo bezithwala abantu nzima edolobheni kuthi ezikahulumende azenelisi ukuthwala wonke umuntu njalo intengo yokugada isifana kuzozonke imota sebehlawulisa amakhulu amane amadola eZimbabwe.
Ngesikhathi kuqala ubhubhane lweCovid-19 uhulumende wamisa zonke izimota ezizimeleyo ukuba zithwale abantu uvela imota ezisebenza ngaphansi kwenkampani kahulumende eyeZUPCO.