WASHINGTON DC - Imibhobho ebisetshenziswa ngaphandle komthetho esihanjiswe emapholiseni ngabaniniyo isingamakhulu phose amahlanu, 455, kuthi inhlamvu zona sezingamakhulu phose amathathu, 260, kubike umsakazo weZBC.
Izikhali lezi zihanjiswa emapholiseni phansi kohlelo olusungulwe nguMongameli Emmerson Mnangagwa ngenyanga edluleyo olokuxolela bonke abalezikhali ezingekho emthethweni nxa bethe bayazitshiya emapholiseni.
Abanye bathi bebekhangelele ukuthi uhlelo lolu lwehlise ubugebengu babantu abatshontsha behlomile kodwa izehlakalo zezigilamkhuba ezibamba inkunzi zisebenzisa imibhobho zikhanya zisanda, ikakhulu koBulawayo laseHarare.
Isiphathamandla senhlanganiso yeBulawayo Progressive Residents Association uMnu Ambrose Sibindi utshele iStudio 7 ukuthi kaboni izigebengu zihambisa izikhali zazo emapholiseni.
Your browser doesn’t support HTML5
Ingxoxo loMnu Ambrose Sibindi