EzeZimbabwe

'Abajeziswe Abaqondisi Bamankampani Abazame Ukuthengisela Uhulumende Amalaptops Lama Desktop Computers Ngentengo Eyethuse Uzulu'

  • Gibbs Dube

UMnu. Kucaca Phulu umele iNkulumane edale lephalamende

UMnu. Kucaca Phulu, omele iNkulumane edale lephalamende, uthi kumele bathoniswe abaqondisi bamankampani amabili abazame ukutshontsha imali kahulumende ngokukhuphula intengo yama-laptops lama computers.

UPhulu uthi abaqondisi benkampani yeBlinart Investments leMid-End Computers and Hardware benze ukuganga okumangalisayo ngokuzama ukuthengisela idale lephalamende ama-laptops ngemali efika inkulungwane ezilitshumi – 9,284 yinye ngayinye njalo lama desktop computers abiza inkulungwane ezintathu zamadola eMelika yinye ngayinye – 3,100.

SEE ALSO:

Ingxoxo Esiyenze LoMnu. Kucaca Phulu

Sehlulekile ukukhuluma labaqondisi bamankampani la ngoba bebengaphenduli omakhalekhukhwini kanye lenombolo zocingo lwefoni abayifake phandle kwewofisi yabo eHarare.

UMnu. Jacob Mudenda, osomlomo wedale lephalamende, uthi idale leli yilo elimise obekuzanywa ngamankampani la.

UMnu. Believe Gaule, okubandla leZanu PF, utshe amathe njengabantu abanengi eZimbabwe.

SEE ALSO:

Ingxoxo Esiyenze LoMnu. Believe Gaule