WASHINGTON DC - Uzulu weBulilima ubevotela amakhansila kumaBy-elections amathathu ngoMgqibelo abalisa okaWard 1, 14 loWard 16.
Kodwa inhlangiso ekhankasela ukuqhutshwa kokhetho olukhululekileyo elizweni, iZimbabwe Election Support Network (ZESN)yethule umbiko isithi balutshwana kakhulu abantu abavotileyo.
I-ZESN yazise njalo ukuthi lanxa ukhetho lolu lukhanya luhanjiswe ngendlela, kulabanye abehluleke ukuvota ngoba amagama abo ebengekho kuluhlu lweVoters Roll.
Iveze njalo ukuthi esikolo seMalalume Secondary kulabantu abangamatshumi amathathu lanye, abancediswe ukuvota ngoba bengaboni kuhle.
Amabandla aphatheke kulolukhetho abalisa eleCCC, iZanu PF kanye leZapu.
Ikhomishini ebona ngokuqhutshwa kokhetho, iZimbabwe Electoral Commission (ZEC) yona ithi luqhutshwe kuhle lolukhetho. Impumela yalo ikhangelelwe ngeSonto.
Ibandla leZanu PF yilo elaliphethe izikhundla zontathu ezitolwayo. Ohlaziya ezombusazwe uMnu Mbuso Fuzwayo utshele iStudio 7 ukuthi kaboni kusiba lenguquko.
Your browser doesn’t support HTML5
Ingxoxo loMnu Mbuso Fuzwayo