UDokotela Phophi Ramaphula oyisiphathamandla sogatsha lukahulumende olubona ngezempilakahle eLimpopo eSouth usegcizelele amazwi akhe awokuthi izizalwane zeZimbabwe kufanele zingayi elizweni lakhe ukuyakwelatshwa ngoba ziqeda impahla zezibhedlela okufanele zisetshenziswe ngabantu abasesigabeni asikhokhelayo.
Udokotela Ramaphula ugcizelele amazwi le kungxoxo lentathelizindaba, ezigoqela ezomsakazo weSABC izolo, lapho athe kufanele abeZimbabwe balungise inkinga eziselizweni labo ukwenzela ukuthi belatshwe khona njalo bengaqedi impahla zokwelapha abantu abasesigabeni sakhe.
Ibandla eliphikisayo eleDA lithi selikhweze udaba lolu kunhlanganiso ye South African Human Rights Commission.
Abantu makhaza, abezombusazwe labalwela ilungelo loluntu eZimbabwe kanye leSouth Africa sebeveze imbono ehlukeneyo, abanye besekela uDokotela Ramaphula, abanye bemsola.
Umfanekiso we video obhoda-bhodiswa ebulenjini be internet, ubonisa uRamaphulane etshela isigulane ukuthi kufanele seZimbabwe ukuthi kufanele abantu belizweni laso bezilungesele okuhluphayo, ukwezela ukuthi belatshwe khona.
Ukuze sihlaziye ukuthi uDokotela Ramaphula engabe ephele umthetho na kumbe hatshi, uSithandekile Mhlanga weStudio 7 uxoxe loMnu. Vusumuzi Sibanda, ingcwethi ecubungula ezomthetho.
Your browser doesn’t support HTML5
Ingxoxo loMnu. Vusumuzi Sibanda