Iqula leziphathamandla zeMelika elikhokhelwa nguSenator weDelaware uMnu. Chris Coons, liqhube imihlangano ehlukeneyo eNairobi ngoLwesine loMnu. William Ruto, osanda ukunqoba kukhetho lokudinga umongameli walelolizwe kanye loMnu. Raila Odinga owayencintisa kusikhundla esifanayo, osephikisa impumela yalolukhetho emthethwandaba.
Eloba enkundleni yebulenjini eTwitter, ebonisa imifanekiso yalumhlangano, uMnu. Ruto uthe bacubungule okuphathelane lokhetho olwedluleyo kanye lobudlelwano belizwe lakhe leleMelika.
Lokhu kwenzalala umgcinisihlalo wenhlanganiso ebona ngokuqhutshwa kokhetho eKenya uMnu, Wafula Chebukati esithi abanye bakhe abane abenqabe ukwamukela impumela yokhetho babefuna kuqilibezelwe ukwenzela ukuthi luqhutshwe kutsha.
Ukuhlaziya lezi izehlakalo, sixoxe loMnu. George Mkhwananzi, ingcwethi ecubungula ezombusazwe.
Your browser doesn’t support HTML5
Ingxoxo loMnu. George Mkhwananzi