Inhlanganiso ezimela izisebenzi zikahulumende zithi umhlangano wazo lomphathintambo wezemali, uMnu. Mthuli Ncube lowezezisebenzi uMnu. Paul Mavhima ngoMvulo awubanga lesisombululo kudaba lwezeholo.
Kumbiko owethulwe izolo, umanyano wezesibenzi zikahulumende othiwa Zimbabwe Confederation of Public Sector Trade Unions uthi uMthuli Ncube uvumile ukuthi umumo mubi kodwa kathandanga ukuthembisa ukuthi uzakhweza iholo lezisebenzi kumbe hatshi kodwa wathi bazangezelelea ingxenye yeholo eliphiwa izisebenzi ngedola lemelika ngenyanga ezayo ngesilinganiso angasiqambanga.
Izisebenzi zikahulumende zithi zizakuyabika kumalunga zo ukuthi kuthathwe nyathelo bani andubana uhulumende ethe wekela ukufeza izifiso zabo ezokuthola iholo ngedola leMelika.
Sixoxe lesikhulumeli senhlanganiso yamatitshala emaphandleni eye ARTUZ uMnu. Thembakuye Moyo.
Your browser doesn’t support HTML5
Ingxoxo loMnu. Thembakuye Moyo