Uhulumende weZimbabwe uthi umnotho welizwe awusoze uthuthuke njengalokhu obekukhangelelwe ngenxa yokugugudeka kwedola, umkhuhlane weCOVID-19 lokwenzakala kwamanye amazwe okwenze kwakhuphuka intengo yamafutha epetulo lempahla etshiyeneyo.
Ekhuluma namuhla esethula okumayelana lokusetshenziswa kwemali kahulumende, uNcube uthe umnotho wakwele Zimbabwe obukhangelelwe ukuba uzathuthuka ngokuhlanu lengxenye ekhulwini – 5,5% lonyaka, usukhangelelwe ukuba uzathuthuka ngokwedlula kancane isilinganiso sokune lengxenye ekhulwini – 4,6%.
Wazise njalo ukuthi uhulumende uzakwengeza imali yomthelo we-tax - ifree threshold kusuka kunkulungwane ezingamakhulu amathathu amadola - ZWL300,000 kusiya kunkulungwane ezingamakhulu ayisithupha - ZWL600,000 ngomnyaka.
UNcube uthi lokhu kudalwe ngokwenzakale emhlabeni wonke jikelele okukhuphuka amafutha ezimota ngenxa yempi phakathe kwelizwe leRussia lele Ukraine, ukugugudeka kwedola leZimbabwe, umkhuhlane weCOVID-19 lokunye.
UNcube uthi emhlabeni wonke jikelele, kukhangelelwe ukuba umnotho uzancipha okumangalisayo emazweni.
UMnu. Rejoce Ngwenya, ingcwethi kwezomnotho, uthi akumangalisi okwenziwe nguNcube.
UMnu. Effort Ncube, isakhamuzi sakoBulawayo, uthi uhulumende kuyamangalisa ukuba uhulumende lokhu eziqhathanisa lamazwe alomnotho ophucukileyo.
“Izinto zizabe zilokhe zisonakala ngokuba uhulumende ufihla ikhanda emhlabathini kulokuthi akhangelane lisimo njengoba sinjalo.Le I budget iveza ukuthi uyaphika ukuthi ezomnotho azisekho akusela industry lezibhedlela ukuthi abantu bayehluleka ukuthenga ezitolongokuba izinto zingathengeki,lokhe eqhubeke enjalo ngendlela endala engathi yibudget tase America le Japan lapha izinto ezihamba khona kuhle le ibudget ayisoze encede lakancane abantu beZimbabwe.”
UMnu. Stevenson Dhlamini, eyinye njalo ingcwethi kwezomnotho, uthi akuqedakali okwenziwe ngukuhulumende.
Umphathintambo wezemali uphinde wathi umnotho welizwe leZimbabwe udonsa nzima ngenxa yokuwa kwesivuno salonyaka.