Izikolo ezinengi zemangweni weLupane esabelweni seMatabeleland North, zikhala ngokuthi zithwele nzima ngokuswelakala kwababalisi, indawo zokufundela lokunye okufunwa ngabafundi.
Abazali bathi lokhu yikho okwenza ukuthi isilinganiso sabantwana abaphumelela emihlolisweni libe phansi kakhulu kulumango.
Zilutshwana izikolo ezilababalisi abeneleyo kulesisiqinti okwenza abantwana abanengi bangatholi imfundo efaneleyo. Abazali abanengi bathi abantwana abafundi kuhle nxa kungelababalisi ezkolweni.
UNkosazana Hloniphani Ncube ngomunye wabo njalo yisakhamizi seLuphanda.
"Thina ngapha esigabeni seLuphanda esi under Lupane silenkinga yokuthi izkolo zethu zilamatitsha amalutshwana. Ezinye uyazithola zilamatitsha amabili ezinye uthole zilamatitsha amathathu. Utholukuthi utitsha oyi 1 ofundisa ama grade angu 4, grade 1 ,grade 2, grade 3, grade 4. Kambe shuwa noma kuthiwa abantwana bayapasa kambe bangapasa kusimo esinjalo. Njalo lama classroom ethu sefile asedilikile asemadala.
Umphathisikolo we Elihlo Primary School uNkosazana S Msengeyi uthi isikolo sakhe siyazama ukupha imfundo engcono lanxa laso sisilela ababalisi.
"Iskolo, its a small school esilababalisi abango mama kuphela, siyi 6 . Bayabe lokhu bethontela kancane kancane but kwesami iskoloso far kushote 1, yes we are supposed to be 7. Ah ukubhadala ifees kunzima,kinzima akula mali abadala bayakhala kunzima ababhadali kahle. Hayi ababuyeli ekhaya bayabe belokhe sincengisa, bayancengisa abadala kulokhe kuthontiselwa mbijana mbijana lakhonokhu ukuthi uhulumende uyancedisa kakhulu under i BEAM. In terms of ama results awa last year iskolo sami siyakhokhela sibili."
EPhumakanye Primary School, eLuphanda labo bakhala ezimathonsi, ngokusilela kwababalisi. Umphathiskolo walesisikolo UMnu Kay Nkiwane ucina laye esefundisa lanxa engumphathi.
"Ngishotile laphiyana,angila babalisi. Nginga nxa ngikhangele ngilababalisi abayi 5 mina kumele ngibe le 7 kutshukuthi ngishote nge 2. Mina ngokwami ngiyafundisa ngingumphathisikolo at the same time. Ngikhangele ukuthi infrastructure ngingathi izakhiwo zeskolo zibe improved. Angilazakhiwo ezi up to date , ngingacela nje ukuthi zibe khona, uncedo engingaluzuza right in terms of infrastructure development."
Lanxa ababalisi besilela ezikolo ezinengi uhulumende ubikwa eqhatshe ababalisi abathize kunyanga ezilutshwana ezisanda kudlula. UMnu Mbongeni Dube (owebandla leZanu PF,??????? ) ngumeli weLupane East edale le phalamende, ufakaza ngokuqhatswa kwababalisi nguhulumende wakhe.
"Emalangeni adlulileyo kube lokuqhatshwa kwababalisi, njenge Lupane ngabanye bezindawo ezitholileyo abababalisi. Sithole ababalisi abangu 80 okutshukuthi bayafithelwa ezikolo zonke eziseLupane East. Siyabonga kakhulu, kodwa ke inani leli kaleneli still ababalisi lokhe besilela esigabeni seLupane."
Uyaphambili egcizelela uDube ukuthi kungani abantwana bakulumhlubulo bengenzi kuhle ezifundweni zabo njalo uthi isiqinti sakhe sifuna uhulumende engeze inani lababalisi.
“Singakhangela izikolo zangkhona, ipass rate yangkhona i low kukhozelwa yikuthi amatitsha akhona awakho. Uyathola iskolo silamatitsha angu 2 kumbe amatitsha angu 3. So ke besicela kakhulu ukuthi siphiwe abanye ababalisi. Inumber yababalisi ibekhona ezikolo engxe singabona abantwabethu bethu lathi besibalotshintsho. Kudala kuseselababalisi, indawo leyi yaba lama labantwana abaqeqeshileyo. Siyafisa ukuthi khonokhuyana kuphinde kubekhona njalo esigabeni sonesi.”
Uhulumende usanda kubika ukuthi udinga ababalisi abedlula inkulungwane ezingamatshumi amabili – 25,000. Kukhanya engani kuzatholakala ababalisi abazinkulungwane ezinhlanu kuphela – 5,000 lonyaka abayibo abazathunyelwa ezikolweni ezisezigabeni ezitshiyeneyo zelizwe. Okwamanje uhulumende edonselana lezisebenzi zakhe ngodaba lweholo eliphansi njalo inengi lababalisi liyatshiya umsebenzi besiyadinga amadlelo aluhlaza kwamanye amazwe lapho abaholiswa okungcono.