UMongameli Emmerson Mnangagwa uvule okusemthethweni umbikiso wabakumsebenzi wokwemba oweMine Entra 2022, namuhla koBulawayo esithi kuyabukeka okwenzakala embukisweni lo.
Lumbikiso ubusuleminyaka emibili ungenziwa ngenxa yeCoronavirus.
UMnangagwa uthe uyajabula ngoba umbukiso walonyaka uthuthuke okujabulisayo njalo sebekusilinganiso sokuyingxenye yekhulwini -50% emalini abayikhangelele ukuyithola emsebenzini wezokwemba
UMnangagwa uthe uhulumende usebenza gadalala ukuvuselela ezamabhizimusi kuleli njalo abafuna ukutshala imali kwezokwemba bakhululekile.
Umgcinisihlalo wombukiso omkhulu wezokuthengiselana oweZimbabwe International Trade Fair engumcebisi kaMongameli, uMnu. Busisa Moyo, uncome inzuzo etholakala kwezokwemba.
Umphathintambo wedolobho lakoBulawayo, uNkosikazi Judith Ncube, uchaze ukuba imitshina ekumbukiso ingasiza idolobho lakoBulawayo.
UNkosazana Tariro Melody Mukandabvute, owenkampani yeMidlands Metals abangene umbukiso walonyaka weMine Entra, uthi kuyathembisa ukuba bayathola amabhizimusi.
Umbukiso weMine Entra uqale izolo mhlaka 20 Ntulikazi uyagqitshwa kusasa mhlaka 22 Ntulikazi. Amankampani adlula ikhulu lamatshumi ayisithupha-160 enelise ukuphatheka embukisweni walonyaka oweMine Entra 2022.
Abakulumbukiso ngabakulumsebenzi elizweni jikelele kanye labavela kwamanye amazwe agoqela oBhilithani, China leSouth Africa.
Umbukiso walonyaka wenziwa phansi kwendikimba ethi “Explore, Extract, Expand. Towards Sustainable Mining Value Chain.”