Umbukiso wabakumsebenzi wokwemba oweMine Entra 2022, obusuleminyaka emibili ungenziwa ngenxa yokuqhamuka kweCoronavirus, uqalile ngoLwesithathu koBulawayo. UMongameli Emerson Mnangagwa Ukhangelelwe ukuwuvula okusemthethweni ngoLwesine ekuseni njalo amankampani adlula ikhulu lamatshumi ayisithupha- 160 abhalise ukuphatheka kumbukiso walonyaka.
Lokhu kwethulwe ngumqondisi olawula umbukiso wezokuthengiselana oweZimbabwe lnternational Trade Fair, uMnu. Nicholas Ndebele.
Umbukiso weMine Entra 2022
“Umbukiso weMine Entra 2022 uqalekahle koBulawayo kulandela ukungabikhona okweminyaka emibili ngenxa yeCovid-19 njalo soyajabula ngezinga okulo ngenxa yempahla lemisebenzi ebukiswayo lonyaka.”
“UMongameli ED Mnangagwa nguye ozavula lumbukuso kusasa njalo kulomhlangano wabembi esizawuqhuba kusasa lango Lwesihlanu andubana sigqibe umbukiso.”
Ongene umbukiso lo ngoLwesithathu, uNkosikazi Jane Lusinga, owemba igolide eBubi eMatabelaland North, uncome umbukiso walonyaka.
Mine Entra 2022
“Umbukiso uqale kahle njalo ngiyajabula ngempahla yokwemba ebukiswa lonyaka njalo kuhle ngoba sekulethuba lokuba omama abakuleli bhuzimusi bathole imitshina yokwemba.”
UMnu. Simba Chimanga, oweZambezi Coal and Gas Mine ophatheka kuMine Entra 2022, uthi umbukiso uhamba kahle bakhangelele ukuba lamathuba amahle kwezamabhizimusi.
Mine Entra 2022
“Umbukiso uqale kahle lamhlanje njalo sikhangelele ukuba lamathuba amahle azakhulisa ibhizimusi lethu sithole abazakwenelisa ukuthenga amalahle ethu ibhizimusi likhule lobanje sesibhekane lokungahlaliseki kwemali yakuleli.”
Umbukiso oweMine Entra umanyanisa abakulumsebennzi labamankampani alungisa imitshina abayisebenzisayo ukwemba kanye lamacebo okusebenza okungela Ngozi, lempahla yokuvikela izisebenzi ukuthi zingalimaleli emsebenzini.
Abasembukisweni lo ngabakulumsebenzi elizweni jikelele kanye labavela kwamanye amazwe, agoqela eleBhilithani, China leSouth Africa.
Umbukiso walonyaka ulesihloko esithi “Explore, Extract, Expand. Towards Sustainable Mining Value Chain.”
SEE ALSO:
Usuqalile Umbukiso weMine Entra