Uhulumende uthi ukhangelele ukuhlangana labesifazana abaqhuba amabhizimusi ehlukeneyo lamuhla, abanikeze ulwazi lokuwathuthukisa ukwenzela ukuthi bethole inzuzo ethe xaxa kuwo.
Lokhu kuvezwe ngumphathintambo kahulumende obona ngeziphathelane labesifazana uNkosikazi Sithembiso Nyoni, kungxoxo ayiqhube leStudio 7.
UNkosikani Nyoni, omela iNkayi North edale lephalamende, uqhubeke wathi kuyonale iviki baphakathi kokufundisa abesifazana ukulungisa impahla ezibalisa isepa, amakhandlela, amafutha okugcoba, lawokuhlanza izindlu ukwenzela ukuthi beqhube amabhizimusi abo beziphilise.
Wengeze wathi uhlelo lolu solwaqhutshwa eTsholotsho leNkayi njalo akukhethekile ukuthi owesifazana ophathekayo ukuliphi ibandla lezombusazwe.
Utshele uSithandekile Mhlanga weStudio 7 ukuthi abanye sebafundiswa ukubhaka isinkwa njalo labo abalezigayo bazaphathiswa ukuwaqhuba ngemfanelo njengoba amafutha ezimota esethengiswa ngemali yakwamanye amazwe.
Your browser doesn’t support HTML5
Ingxoxo loNkosikazi Sithembiso Nyoni