Isikhulumeli sebandla le Citizens Coalition for Change, uNkosazana Fadzayi Mahere usehambise intathelizindaba, uEdmund Kudzayi, emthethwanda phezu kodaba lokuthi umahere wathandana losomabhizimusi otshadileyo wacitha umtshado wakhe.
Amagqwetha ka Mahere, awe Honey and Blanekenberg, athi uKudzayi kumele ahlawule uMahere imali engamadola eMelika azinkulungwane ezilikhulu, us$100 000.
Ukudzayi, owake waba ngumhleli wephephandba le The Sunday Mail, waloba udaba lolu enkundleni yakhe yokuxhumana ebulenjini ethiwa Kukurigo News, wafaka lemfanekiso kaMahere ehlezi losomabhizimusi okuthiwa nguye ayethandaba laye yena etshadile, uMnu. Tinashe Murapata.
Yena uKudzayi ulobe enkundleni ye Twitter esithi kasoze ahlawule ngitsho icent eliloldwa ngoba elabo ubufakazi obukhomba lokho akutshoyo wengezelela esithi khona ezakhihliza enye imfihlo Kamahere etshengisa ukuthi uyisifebe.