WASHINGTON DC - Sesiphehle inkulumo isimemezelo sokuthi uhulumende usezaholisa osobhuku imali yama-allowances ngedola leMelika njalo aphinde abakhwezele imali abavele beyihola ngemali yeZimbabwe ngokuphindwe kabili.
Lokhu kwaziswe yisiphathamandla sebandla leZanu PF uMnu Kembo Mohadi emhlanganweni awenze lenkokheli zomdabu eTsholotsho ngoLwesithathu, kubike iphephandaba leChronicle.
UMohadi uthe uhulumende sesungule ama-allowances azawabhadala osobhuku, bona athi bazahlawulwa amatshumi amahlanu amadola eMelika, iUS$50 ngamunye, phezu kweholo labo abavele belalo.
Wengeze wathi labo ekade bevele bengaholi labo sebezaholiswa.
Abamabandla aphikisayo bathi kusobala ukuthi ibandla leZanu PF selizama ukuthenga osobhuku laba ukuthi balivotele ndawonye labantu ababakhokhelayo kukhetho lomnyaka ozayo.
Ukuhlaziya loludaba sixoxe lelunga leZanu PF uMnu Believe Gaule endawonye lelunga leCitizens Coalition for Change (CCC) uMnu Abednico Bhebhe onguye osungula lingxoxo.
Your browser doesn’t support HTML5
Ingxoxo loMnu Abednico Bhebhe loMnu Believe Gaule