UBoris Johnson Wakwele Bhilithani Uthi Uzasuka Esikhundleni Kungatholakala Ozakhethwa Libandla Lakhe

Umkhokheli wakwele Bhilithani, uMnu. Boris Johnson, uthi uzasuka esikhundleni kungatholakala omunye ozakhethwa libandla lakhe.

Wethule lokhu namuhla kulandela ukuchothozwa kwakhe ngamalunga ebandla leConservative Party kanye lawakubandla eliphikisayo eleLabor Party abathi ubethanda ukuqamba amanga njalo wenza idili elikhulu labanye bakhe ngesikhathi abantu bevalelwe ezindlini ilizwe lilwisana lokumemetheka kwegciwane leCOVID-19.

Uphinde wachothozwa ukuba wafihlela uzulu labanye bakhe okwenziwa nguMnu. Chris Pincher, owamkhetha ukuba akhokhele idale leHouse of Commons, okuthiwa wabambabambe ngendlela engaqondanga amadoda benatha utshwala.

Lokhu kwenze ukuba ahlamukelwe ngumgcinincebo kahulumende, uMnu. Rishi Sunak, lophethe uhlangothi lwezempilakahle, uMnu. Sajid Javid, lezinye izisebenzi ezifika amatshumi amahlanu lanhlanu – 55.

UJohnson uthi kulandela lokhu, kubesobala ukuba kumele asuke esikhundleni.

SEE ALSO:

UBoris Johnson Uthi Besokunzima Ukuba Ahlale Esikhundleni Somkhokheli Wakwele Bhilithani

Odabuka eZimbabwe ohlala kwele Bhilithani, uMnu. Panyika Karirmanzira, uthi uJohnson ubesethwele amagabha avuzayo.

SEE ALSO:

Ukhuluma Ngokwenziwe NguBoris Johnson

Abalweala ilungelo loluntu labakumabandla aphikisayo bathi ukubanjwa ngamandla kukaJohnson ukwehla esikhundleni sokukhokhela ilizwe elithuthuke kangaka, kubikwa kukhombisa umbuso okhululekilewo wentando kazulu.

UMnu. Felix Mafa, ilunga leCitizens Coalition for Change, uthi njengesizwe iZimbabwe ifunde okunengi ngokwenzakala kwele Bhilithani.

UKhansila kaWard 8 koBulawayo, uMnu. Edwin Ndlovu, uthi uJohnson uthethe inyathela elihle ngesikhathi inengi lingalindele.

llunga lebandla leZapu, uDokotela Mildred Mnkandla, uthi uJohnson uphe isifunde esihle eZimbabwe lemhlabeni wonke jikelele ngokwehla esikhundleni.

UMnu Believe Gaule, ilunga leZanu-PF, uthi okwenzakale eBhilithani ngeke kwaqathaniswa ngokunzakala eZimbabwe.

Olwela ilungelo loluntu, uMnu. Effie Ncube, uncoma inyathela lika Johnson esithi kuyisifundo esihle eZimbabwe.

UJohnson ungene embusweni ngomnyaka ka2019 kulandela ukubanjwa ngamandla kowayeyinhloko kahulumende yeBhilithani ngalesos’ikhathi, uNkosikazi Theresa May, ukuba ehle kuleso sikhundla.

Lokhu kwamenza waba yinhloko kahulumende yesithathu ukutshiya umsebemzi phakathi kweminyaka eyisithupha kubandla eleConservative Party.