GWANDA - Ugatsha olubona ngokulondolozwa kwemvelo olweEnvironmental Management Agency (EMA) solujezise abeAgricultural Rural Development Authority (ARDA) ngokubahlawulisa iZW$120,000 phezu kwesehlakalo sokufa kwezifuyo ezinathe amanzi aletshefu aphume epulazini leARDA esigabeni seZwehamba eMaphisa.
I-ARDA ibikwa njalo isiqalisile ukuhlawula abanikazi balezizifuyo iR1,000 ngasinye. Kodwa abanye bathi incane kakhulu limali. Izakhamizi zeMaphisa ezixoxe leStudio 7 zithi zidabukile ngalesisehlakalo.
Imbuzi ezingamatshumi amathathu lambili kanye lenkomo eyodwa zife ngemva kokunatha amanzi avuze etankeni esepulazini leARDA ebilemvundiso yohlobo lweUrea.
Ngenyanga edluleyo kulomlimi weNkayi ofelwe zinkomo zonke ezingamatshumi amabili lanye, 21, ngemva kokuzinathisa umuthi wokubulala imbovane enakana ukuthi ngowokunakekela izifuyo.
Your browser doesn’t support HTML5
Udaba siluphiwa nguAlbert Ncube