Uhulumende wakwele South Africa useyesule yonke imigoqo ebifakelwe ukwenqabela ukumemetheka kweCoronavirus.
Esethula isaziso kwabezindaba izolo, umphathintambo wezempilakahle, uMnu. Joe Phaahla, uthe akusadingeki ukuthi izizalwane zakwele South Africa zigqoke ama mask.
Uthi njengeziphathamandla zezempilakahle bakubonile ukuthi inani labahlaselwa yicoronavirus lalabo abagula bayelaliswa esibhedlela selehlile kakhulu.
“Akekho osengabanjwa ngamandla ukuthi aqgoke imaks lobanje abayifunayo sebengazigqokela yona.”
Uthe labo abafisa ukuqhuba imbuthano sebengabuthana santando kungelandaba lokuthi bangaki. Izethekeli ezingena kweleSouth Africa lazo akusadingeki ukuthi ziveze ubufakazi bokuthi zihlatshiwe ijekiseni yokuvikela icoronavirus.
Lelinyathelo lihahulumende weSouth Africa Africa selemukelwe kakhulu yizizalwane zeZimbabwe ezihlala kweleSouth Africa. UMnu. Mandla Sibanda uthi yena ubevele engasayigqoki imask.
“Abanye sesayithola icovid saphinda sabaright. So, imask isagqokelwani? Ngoba imask awuzivikeli wena uvikela the next person. So, whats the point yokuvikela umuntu ongafuni kuvaccinetha? Thina sivacinethile, abanye siyitholile saphinda sasila, so sesiright. Imask ayisadingeki lapho.”
Kodwake isizalwane sakwele South Africa, uMnu. Henry Molefe, uthi yena lanxa kusitsho ukuthi nguye yedwa ozasala egqoke imask ilizwe lonke, uzaqhubeka eyingqokile.
“Kusesekude la esiyakhona. Icovid isasekhona iyabaqeda abantu. Loba izinga lamanani lingasekho kakhulu kangako kodwa siyezwa ezindabeni ukuthi iyabaqeda abantu. Mina ngisafuna ukuzivikela.”
Ngokwezibalo zogatsha lwezempilakahle bephezudlwana kwenkulungwane eyodwa (1050) abahlaselwe yicoronavirus kumahola angamatshumi mabili lane (24 hours) adluleyo kanti kufe abayisikhombisa.
Kusenjalo uhulumende ubike ukuthi sekutholakele umuntu wakuqala ohlaselwe ngumkhuhlane wemonkeypox kweleSouth Africa. Ogulalo umkhuhlane ngowesilisa oleminyaka engamatshumi amathathu.
Umqondisi wenhlanganiso ebona ngemikhuhlane ethelelwanayo eyeNational Institute for Communicable Diseases, uMnu. Adrian Puren, uthi owesilisalo ohlala edolobheni leJohannesburg akazange aphume phandle kwelizwe okwenza bacabangele ukuthi lumkhuhlane uwuthelelwe ngumuntu oselapha elizweni.
“Kuqakathekile ukuthi sihlole bonke abantu ake axhumana labo ukuze lumkhuhlane ungamemetheki ebantwini abanengi.”
UMnu. Puren uthi lumkhuhlane ovela ezinyamazaneni njalo osusemazweni amanengi okwamanje umemetheka kakhulu kwabesilisa abathandana labesilisa lobanje ungakhethi mhlobo loba ukuthi umuntu ngowesilisa kumbe owesifazana.
Izibonelo zawo zibalisa umvimbano, amaqhubu emzimbeni lezinye ezihambelana lezecornavirus. Uthi okungcono ngalo umkhuhlane yikuthi awubulala abantu njengalokhu okwenziwa yicoronavirus.
SEE ALSO:
Bathakazelela Ukwesulwa Kwemithetho Elawula Ukugqokwa Kwama Masks